Google Pixel 11a dizayni oshkor boʻldi 📱

Internetda eʼlon qilingan yangi maʼlumotlarga koʻra, Google kompaniyasining kelgusidagi hamyonbop smartfoni hisoblangan Pixel 11a modelining ehtimoliy dizayni va xususiyatlari maʼlum boʻldi. Ushbu qurilmaga oid CAD renderlar taniqli insayder Steve H. McFly va Android Headlines hamkorligida tarqatilib, kelgusi gadjetning tashqi qiyofasi haqida ilk tasavvurlarni beradi.

Tarqalgan suratlarga qaraganda, yangi smartfon oʻzidan oldingi avlodga oʻxshab ketadi, biroq uning orqa panelidagi kamera moduli va umumiy oʻlchamlarida kichik farqlar mavjud. Qutisimon shakldagi ikkita kamera joylashgan orqa blok avvalgidan biroz kattaroq koʻrinishga ega boʻlib, yon tarafida LED chirogʻi oʻrin olgan. Old qismda esa oʻrtasida kamera teshigi boʻlgan tekis ekran va sezilarli hoshiyalar mavjud. Oʻng tomonda ovoz va yoqish tugmalari, pastki qismda esa USB-C porti, dinamik hamda mikrofon joylashgan.

Maʼlumotlarga koʻra, qurilma qora, yashil, binafsha va kumush ranglarda chiqarilishi mumkin. Shuningdek, uning oʻlchamlari 153,46 x 72,35 x 9 mm ni tashkil etib, oldingi modeldan biroz ixchamroq boʻlishi kutilmoqda. Oldingi xabarlarda smartfon 6,3 dyuymli, 120 Gts gacha yanglanish chastotasiga ega ekran bilan jihozlanishi va HDR rejimida yuqori yorqinlik koʻrsatkichlarini taqdim etishi aytilgandi.

Ichki qismda Google Tensor G6 protsessori va MediaTek M90 ulanish chipi boʻlishi kutilmoqda. Biroq, Google kompaniyasi hali bu smartfonni rasman eʼlon qilmagani sababli, taqdimot sanasi va texnik xususiyatlar hozircha norasmiy hisoblanadi.