🚨 TRON manzillari AQSh sanksiyasiga tushdi!

AQSh Moliya vazirligi TRON tarmog'idagi yettita kriptovalyuta manzilini o'zining qora ro'yxatiga kiritdi. Ushbu qaror Lotin Amerikasining mashhur "Tren de Aragua" jinoiy tarmog'iga aloqador deb gumon qilingan банкоматlarni buzish operatsiyalari fonida qabul qilindi. Rasmiy ma'lumotlarga ko'ra, mazkur yettita hamyonga jami 6,1 million dollarga yaqin mablag' kelib tushgan.

TRM Labs tahliliy kompaniyasining ma'lum qilishicha, ko'rsatilgan manzillar 2022-yil martidan buyon faoliyat yuritib kelgan va ularning eng yirik qismi Erik Gabriel Kardenas Arsolaning hamyoniga yo'naltirilgan. Ushbu manzil 2.1 million dollarga yaqin mablag' qabul qilgan. Mutaxassislar ushbu mablag'larning barchasi ham to'g'ridan-to'g'ri jinoyatga aloqador emasligini, biroq ularning faoliyatida o'xshash sxema kuzatilganini ta'kidlashmoqda.

Barcha yettita TRON manzili markazlashgan kriptovalyuta birjasida joylashgan bo'lib, bu huquq-tartibot idoralariga shaxsiy hamyonlar o'rniga to'g'ridan-to'g'ri xizmat ko'rsatuvchi provayderlar orqali hisobvaraqlarni aniqlash imkonini berdi. Sanksiyaga uchragan mablag'lar keyinchalik guruhga aloqador boshqa hamyonlarga o'tkazilgan, shuningdek, yana bir tarmoq orqali 35 million dollar atrofida mablag' harakatlangani aniqlangan.

AQSh rasmiylari 2025-yil avgust holatiga ko'ra, jinoiy guruhning банкоматlarni buzish bo'yicha 1,5 mingdan ortiq hujumlari oqibatida umumiy zarar 40,73 million dollarni tashkil etganini bildirishdi. Mazkur sanksiyalar doirasida bir qator jismoniy shaxslar va Meksikada joylashgan kompaniyalar ham qora ro'yxatga kiritildi. Tergov harakatlari va moliyaviy oqimlarni kuzatish ishlari davom ettirilmoqda.