May oyida eng ko'p sotilgan elektromobillar 🚗

May oyi yakunlariga ko'ra, eng ko'p sotilgan elektromobillar ro'yxati e'lon qilindi va unda mahalliy yetakchi o'z mavqeini saqlab qoldi. Ma'lumotlarga ko'ra, TOGG T10X modeli 3 678 dona sotilib, reytingning birinchi pog'onasidan joy oldi.

Ikkinchi o'rinni esa yangilangan Model Y versiyasi bilan bozorga qaytgan Tesla egalladi. Kompaniya may oyida 1 545 ta avtomobil yetkazib berdi va iyun oyidan boshlab bu ko'rsatkichni yanada oshirishi kutilmoqda.

Kuchli uchlikni 1 416 dona natija bilan MINI Countryman yakunlab berdi. Shuningdek, BYD Seal U modeli 845 ta xarid bilan to'rtinchi o'ringa loyiq ko'rildi.

Bozorga yaqinda kirib kelgan yangi modellar sirasidagi Opel Frontera 835 dona ko'rsatkich bilan beshinchi o'rinni egalladi. O'nlikning qolgan qismidan BYD Atto 3 (690 ta), Kia EV3 (564 ta), KGM Torres EVX (538 ta), Volkswagen ID.4 (430 ta) hamda Volvo EX40 (393 ta) kabi avtomobillar o'rin oldi.