Bayraktar TB3 suni intellekt bilan sinovdan o'tdi 🛸

Baykar kompaniyasi tomonidan ishlab chiqilgan Bayraktar TB3 uchuvchisiz uchish apparati aviatsiya tarixida muhim natijalarga erishishda davom etmoqda. Qisqa uchish-qo'nish yo'lagiga ega kemadan to'liq avtomatik ravishda parvoz qilgan va qo'ngan ilk SİHA sifatida tarixga kirgan ushbu qurilma TCG Anadolu kemasidagi parvozlar sonini 101 taga yetkazdi. Kemadagi jami 100 ta sorti muvaffaqiyatli yakunlangan bo'lsa, eng so'nggi sinov jarayonlarida sun'iy intellekt ko'magida otonom parvoz va qo'nish amaliyoti bajarildi.

Sinov dasturlari doirasida amalga oshirilgan barcha parvozlarning umumiy davomiyligi 1,167 soat 8 daqiqadan oshdi. Shu vaqtgacha Bayraktar TB3 turli sinov dasturlarida jami 709 marta osmonga ko'tarilgan. SİHA shuningdek DENİZKURDU-2025 harbiy mashg'ulotlarida ham faol ishtirok etib, o'zining jangovar imkoniyatlarini amalda ko'rsatdi.

Jumladan, 2025-yil 14-may kuni O'rta dengizdagi TCG Anadolu kemasidan havoga ko'tarilgan PT-3 va PT-4 quyruq raqamli ikkita TB3 Roketsan tomonidan ishlab chiqarilgan MAM-L o'q-dorilari bilan quruqlikdagi nishonlarga qarshi bir vaqtning o'zida muvaffaqiyatli hujum uyushtirdi. May oyining boshlarida ham ASELFLIR-500 va Aselsan CATS tizimlari bilan jihozlangan MAM-L o'q-dorilari yordamida nishonlar aniq yo'q qilingandi.

Qurilmaning eng diqqatga sazovor xususiyatlaridan biri uning o'ta tovush tezligidagi raketani uchirishi bo'ldi. Mart oyida o'tkazilgan sinovlarda TB3 Roketsan tayyorlagan İHA-122 o'ta tovush tezligidagi raketa bilan dengizdagi nishonlarga aniq zarba berdi. Bu jarayonda Bayraktar TB2 nishonni lazer yordamida belgilab berib, ikkita turli SİHA o'rtasidagi muvaffaqiyatli muvofiqlashtirilgan harakatni ta'minladi.