🤖 sun'iy intellekt detectorlari talabalarga pand bermoqda

Sun'iy intellekt detectorlarining xatolari ta'lim sohasida jiddiy muammolarni keltirib chiqarmoqda va buning jabrini ko'pincha oddiy talabalar tortmoqda. Shunday holatlardan biri Markaziy metodist universiteti talabasi Moyra Olmsted boshidan kechirildi. U to'liq stavkada ishlab, chaqroqqa qarab, homiladorlik davrida ham masofaviy ta'lim olishga harakat qilgan. Yangi o'quv semestrida u o'z uy vazifasini topshirgan, biroq oradan ko'p o'tmay o'qituvchidan nol baho olgan. Bunga sabab qilib SI detector dasturi uning yozma ishini sun'iy intellekt tomonidan yaratilgan deb belgilagani ko'rsatilgan.

Talaba uchun bu og'ir zarba bo'ldi, chunki u o'zi bajarmagan ish uchun ta'lim olish huquqidan mahrum bo'lishi mumkin edi. Olmsted o'qituvchisi va kuratoriga o'zida autizm spektrining buzilishi borligini, shuning uchun matnlari qolipli tarzda chiqishini tushuntirib berdi. Natijada uning bahosi qayta tiklandi, biroq unga kelgusida bunday holat takrorlansa, plagiat sifatida baholanishi haqida ogohlantirish berildi.

ChatGPT ommalashganidan beri ta'lim muassasalari yangi texnologiyalarga moslashishga majbur bo'lmoqda. O'qituvchilar talabalar ishlarini tekshirish uchun maxsus aniqlash vositalaridan keng foydalanmoqda. Mart oyida o'tkazilgan so'rov natijalariga ko'ra, o'qituvchilarning uchdan ikki qismi muntazam ravishda shunday tekshiruv dasturlarini qo'llashadi.

Biroq eng yaxshi deb topilgan SI detectorlari ham xatolardan holi emas. O'tkazilgan mustaqil sinovlar davomida GPTZero va Copyleaks kabi mashhur xizmatlar sun'iy intellekt qatnashmagan yuzlab insho ishlarini noto'g'ri belgilagani aniqlangan. Ayrim hollarda dasturlar talabalar ishini yuz foiz aniqlik bilan SI mahsuloti deb da'vo qilgan.

Bunday xatoliklar foizi kichik bo'lib tuyulsa-da, yillik topshiriqlar soni ko'pligini hisobga olsak, xatolar ko'lami tezda oshib ketadi. Natijada begunoh talabalar jiddiy adolatsizliklar va o'qishdagi muammolarga duch kelishmoqda.