Call of Duty: Black Ops 6 tizeri 🎬

Activision kompaniyasi an'anaviy tarzda har bahorda muxlislarga taqdim etiladigan o‘yinlar seriyasining navbatdagi qismi — Call of Duty: Black Ops 6 uchun yangi kinematografik tizerini e'lon qildi. Yangi loyihaning e'lon qilinishi o‘yinchilarni hayratda qoldirishi qiyin bo‘lgani bois, nashriyot bu safar e'tiborni o‘yin jarayoniga emas, balki kelgusi jangovar asarning asosiy mavzusiga qaratishga qaror qildi.

Qisqa tizerda mualliflar Call of Duty: Black Ops 6 loyihasiga konspirologik triller ohangini berishga harakat qilishgan. Unda haqiqat yolg‘on ekanligi va dunyo taqdiri parda ortida hal etilishi ta'kidlanadi. Yanada kuchliroq ta'sir uyg‘otish maqsadida rolikga taklif etilgan aktyorlar taniqli tarixiy shaxslar qiyofasida grim qilingan holda suratga tushirilgan.

Afsuski, hozircha yangi loyiha haqida aniq bir narsa deyish qiyin, chunki videoda o‘yinning chiqish sanasi ham, u chiqariladigan platformalar ham ko‘rsatilmagan. Insayder Tom Henderson o‘yin oktyabr oyining yigirma beshinchi sanasida sotuvga chiqishini taxmin qilmoqda, biroq bu shunchaki taxmin xolos.

Shunga qaramay, Activision va Microsoft kompaniyalari bitta muhim ma'lumotni rasman tasdiqlashdi. Unga ko‘ra, yangi Call of Duty o‘yini chiqarilgan zahoti to‘g‘ridan-to‘g‘ri Game Pass obuna xizmatida ham foydalanuvchilarga taqdim etiladi.