Microsoft nima uchun AMD'ni Surface PC'dan olib tashladi? 💻

2026-yilgi Microsoft Surface katalogidan Intel va Qualcomm protsessorlari o'rin olgan bo'lib, kompaniya yaqin orada NVIDIA yechimlarini ham qo'shishga tayyorgarlik ko'rmoqda. Biroq, chip ishlab chiqaruvchi avvalgi ikki avlod Surface Laptop uchun o'z hissasini qo'shgan bo'lishiga qaramamay, AMD bu safar ro'yxatda ko'rinmayapti.

Ushbu qaror ilk bor 2021-yilda, Surface Laptop 5 modeli Surface Laptop 3 davrida joriy etilgan AMD konfiguratsiyalaridan voz kechganida qabul qilingan edi. Oshdan beri kompaniya o'z kompyuterlarida Ryzen protsessorlarini taklif qilmayapti va bungacha aniq izoh bermagan edi. Endilikda esa Microsoft ushbu vaziyatga qisman oydinlik kiritdi.

Windows Central nashriga bergan intervyusida Surface bo'limi vitse-prezidenti Brett Ostrum Microsoft AMD bilan hamkorlikni qadrlashini, biroq o'z qurilmalarida ishlatiladigan butlovchi qismlarni juda ehtiyotkorlik bilan tanlashi lozimligini ta'kidladi. Rahbar AMD protsessorlarining yo'qligini asosan Surface katalogining cheklangan hajmi bilan izohladi.

Qayd etish joizki, Microsoft boshqa sohalarda AMD bilan yaqindan ishlashni davom ettirmoqda. Jumladan, hozirda ishlab chiqarilayotgan Xbox konsollarida AMD chiplari qo'llaniladi va kelgusi avlod konsoli uchun ham yana shu ishlab chiqaruvchi tanlangan. 2025-yilda Arm arxitekturasiga asoslangan Sound Wave nomli AMD chipi bilan jihozlangan bo'lishi mumkin bo'lgan Surface qurilmasi haqida mish-mishlar chiqqan edi.

Ushbu protsessor 2026-yilda bozorga chiqishi kerak edi, biroq hozirgacha undan foydalanadigan rasmiy mahsulotlar taqdim etilmadi. Shu bois loyiha bekor qilinganmi, kechiktirilganmi yoki keyingi bosqichga mo'ljallanganmi, hozircha noma'lum. Hozircha rasmiy izoh o'z holicha qolmoqda: Microsoft kichikroq Surface portfeliga ega va qaysi apparat platformalarini ishlatishni diqqat bilan tanlashi shart.