Krossvordga berilgan ayol oilasidan yuz o'girdi 🧩

New York Post nashri o'quvchilaridan biri o'zining oilaviy muammosi haqida so'zlab berdi. Erkakning ma'lum qilishicha, uning rafiqasi uzoq vaqtdan beri krossvord yechish bilan shug'ullanib keladi.

Ayol nafaqaga chiqqach, butun vaqtini boshqotirmalarga bag'ishlay boshlagan. U kun bo'yi shu mashg'ulot bilan band bo'lib, erini butunlay e'tiborsiz qoldirmoqda va farzandlaridan ham uzoqlashib ketgan. Xavotirga tushgan turmush o'rtog'i unga o'z noroziligini bildirganiga qaram May, vaziyatda hech qanday o'zgarish bo'lmagan. Shundan so'ng u «Dorogaya Ebbi» maslahat kolonkasini yurituvchi amerikalik sharhlovchi Jeyn Fillipsga murojaat qilgan.

Vaziyatni izohlar ekan, Jeyn Fillips erga rafiqasi bilan yana bir bor ochiq gaplashib olishni maslahat berdi. Uning ta'kidlashicha, ayolning bu qilmishi eri va butun oilasiga nisbatan adolatsizlikdir. O'quvchi xotiniga psixoterapevt yordamiga murojaat qilishni taklif qilishi mumkinligi aytildi.

Agar ayol mutaxassis yordamidan voz kechsa, erning o'zi shifokorga borishi tavsiya etildi. Shuningdek, sharhlovchi juftlik nikohda inqirozni boshdan kechirayotgan bo'lishi mumkinligini va krossvordlar ayol uchun haqiqiy hayotdan qochish yo'li bo'lib xizmat qilayotganini taxmin qildi.