Philips'dan 500 Gs chastotali o'yin monitori 🎮

Philips kompaniyasi o'yin ishqibozlari uchun mo'ljallangan navbatdagi yangi mahsulot — 27 dyuymli 27M2N8500X monitorini e'lon qildi. Ushbu model zamonaviy romsiz dizaynga ega yorqin QD-OLED matritsasi hamda kerakli simli ulash interfeyslari bilan jihozlangan.

Qurilmaning displeyi 2560x1440 pikselli aniqlikni qo'llab-quvvatlaydi. Monitor yuqori chastotali ekranga ega bo'lib, uning yangilanish chastotasi 500 Gs gacha yetadi, maksimal yorqinligi esa 1000 nitni tashkil qiladi. Shuningdek, modelning javob berish vaqti GtG bo'yicha 0,03 millisekundga teng. Ishlab chiqaruvchining ta'kidlashicha, matritsa keng rang qamroviga ega bo'lib, sRGB bo'yicha 100%, AdobeRGB bo'yicha 98% hamda P3 bo'yicha 99% ni qamrab oladi.

Monitor korpusida ikkita HDMI 2.1 ulagichi, KVM funksiyasiga ega ikkita USB 3.2 Gen 1 Type-A porti, bitta DisplayPort 2.1 va 3,5 millimetrli audiochiqish mavjud. Ergonomik taglik ekran balandligi, egilish hamda burilish burchaklarini o'zgartirish imkonini beradi. Bundan tashqari, monitor devorga yoki maxsus kronshteynga o'rnatilishi uchun VESA 100x100 mm teshiklari bilan ta'minlangan.

Hozirgi vaqtda ushbu yangi geymerlar monitorining narxi Xitoy bozorida 835 AQSh dollarini tashkil etmoqda.