THORChain Bitget iltimosini rad etdi 🚫

THORChain loyihasi jamoasi o'g'irlangan mablag'larni tanlab bloklash bo'yicha Bitget birjasining murojaatini bajarishdan bosh tortdi. Ushbu qaror tarmoqning markazlashmagan arxitekturasi va uning xavfsizlik tamoyillariga asoslangan holda tushuntirildi.

Sentyabr oyi oxirida Bitget platformasi kiberhujumga uchrab, katta miqdordagi mablag'lardan ayrilgan edi. Hujum paytida ruxsatsiz o'tkazmalar amalga oshirilgan bo'lib, dastlabki zarar miqdori keyinchalik sezilarli darajada oshgani ma'lum qilindi. Tekshiruv jarayoniga taniqli xavfsizlik kompaniyalari ham jalb etilgan.

Hodidadan so'ng jinoyatchi o'g'irlangan aktivlarni turli tarmoqlar bo'ylab ko'chirish uchun THORChain protokolidan foydalangan. Shu sababli, birja rahbariyati aniqlangan hamyon manzillariga xizmat ko'rsatmaslikni va operatsiyalarni bloklashni so'rab protokoldan iltimos qilgan edi.

Lekin THORChain ishlab chiquvchilari tarmoqni to'xtatish faqat butun protokolni himoya qiluvchi favqulodda chora ekanini, u ayrim mablag'larni muzlatish uchun mo'ljallanmaganini ta'kidladilar. Ularning so'zlariga ko'ra, loyiha ruxsatsiz ishlaydi va o'z arxitekturasiga ko'ra senzura qilmaydi. Shuningdek, tarmoqda bunday yagona qarorni qabul qiluvchi markaziy organ mavjud emasligi qo'shimcha qilindi.