Intel sun'iy intellekti avtomobillarga kirib bormoqda 🚗

Intel kompaniyasi rahbari Pat Gelsinger bundan bir necha oy muqaddam hamma narsaga sun'iy intellekt joriy etish niyatida ekanini ma'lum qilgan edi. Kompaniyaning bu boradagi navbatdagi qadami avtomobil sanoatiga qaratildi. Hozirda AMD va NVIDIA kabi raqobatchilar bilan kurash olib borayotgan Intel internetga tayanmasdan, bevosita qurilmaning o'zida ishlaydigan sun'iy intellekt texnologiyalariga e'tibor qaratmoqda. Shu maqsadda avtomobillar uchun maxsus ishlab chiqilgan birinchi avlod sun'iy intellekt yo'nalishidagi dasturiy ta'minotga asoslangan chip ustidagi tizim omma e'tiboriga havola etildi.

Otomotiv bozori asta-sekin yangi yirik dasturiy platformaga aylanib bormoqda. Elektr avtomobillarining ommalashuvi mashinalarga yanada murakkab kompyuter tizimlari va ilg'or dasturlarni olib kirmoqda. Zamonaviy avtomobillar asta-sekinlik bilan g'ildirak ustidagi ulkan aqlli telefonlarga o'xshab bormoqda. Intel ham aynan shu tendentsiyadan kelib chiqib, transport vositalari ichidagi boshqaruv jarayonlarini, ovozli yordamchilar faoliyatini hamda umumiy safar tajribasini boyitishni maqsad qilgan.

Intelning ushbu yangi va ilg'or chiplari o'rnatiladigan ilk avtomobil markasi ham aniq bo'ldi. Unga ko'ra, Xitoyning yirik avtomobilsozlik giganti Geely tarkibiga kiruvchi Zeekr brendining joriy yilda sotuvga chiqariladigan avtomobillarida mazkur texnologiya qo'llaniladi. Hozircha Intel boshqa hamkor kompaniyalar nomini oshkor etmadi, biroq uning asosiy maqsadi to'liq dasturiy ta'minotga tayanadigan zamonaviy transport vositalarini rivojlantirishdan iborat ekani ta'kidlanmoqda.