Binance Hyperliquid-ga xavfli teg qo'ydi ⚠️

Dunyodagi eng yirik kriptovalyuta birjasi hisoblangan Binance Hyperliquid (HYPE) tokeni uchun spot savdolarini boshladi va kutilmaganda unga yuqori xavfli "Seed Tag" yorlig'ini yopishtirdi. Odatda bunday belgilar yangi va kichikroq loyihalarga nisbatan qo'llanilsa-da, HYPE bozor qiymati bo'yicha yetakchi kriptovalyutalar qatoriga kiradi. Ushbu qaror investorlar orasida turli muhokamalarga sabab bo'ldi va listinqdan so'ng darhol token narxining pas kuzatildi.

Binance birjasida yangi listinq qilingan va yuqori o'zgaruvchanlikka ega bo'lishi kutilayotgan aktivlarga mazkur xavfli teg beriladi. HYPE tokeni bilan savdo qilishni xohlovchi foydalanuvchilar har 90 kunda xavflar bo'yicha maxsus test topshirishlari talab etiladi. Boshlang'ich bosqichda ushbu token uchta savdo juftligida, jumladan USDT, USDC va turk lirasi bilan taqdim etildi. Shunga qaramay, HYPE bunday toifadagi tokenlarga xos bo'lmagan ko'rsatkichlarga ega bo'lib, uning birjadagi ochiq pozitsiyalari hajmi rekord darajaga yetgan edi.

Birjaga kiritilishidan oldin HYPE qiymati keskin o'sishlarni boshdan kechirgan va 23-sentabrda rekord darajadagi narxga erishgandi. Biroq, Binance platformasidagi listinq kutilganidek narxning o'sishiga emas, aksincha 4,5 foizli pasayishiga olib keldi. Sababi, "kitlar" deb nomlanuvchi yirik token egalari o'z aktivlarini birjalarga o'tkaza boshladilar, bu эsa treyderlar tomonidan sotish jarayonining boshlanishi sifatida baholandi.

Mutaxassislar ushbu holat tokenning erkin muomaladagi qismi cheklangani bilan ham bog'liqligini ta'kidlashmoqda. HYPE tokenlarining umumiy miqdorining faqatgina kichik qismi muomalada bo'lib, qolgan qismi qulflangan yoki chiqarilishini kutmoqda. Shu sababli, hatto kichik hajmda sotuv amalga oshirilishi ham narxga sezilarli ta'sir ko'rsatishi mumkinligi aytilmoqda.