Nvidia sun'iy intellekt platkasi kosmosga yo'l olmoqda 🚀

Harbiy va kosmik yo'nalishdagi mustahkam kompyuterlar ishlab chiqaruvchi Aitech kompaniyasi o'zining yangi radiatsiya bardoshli qurilmasi uchun Nvidia Jetson TX2i modulini tanlaganini bildirdi. Aitech S-A1760 Venus deb nom olgan ushbu tijorat qurilmasi kichik sun'iy yo'ldoshlar hamda kosmik kema loyihalarida ishlatilishi mumkin bo'lib, taxminan 1 TFLOPS miqdoridagi sun'iy intellekt quvvatidan foydalanish imkonini beradi.

So'nggi yillarda kosmik dasturlarda ilg'or tasvirga olish va ma'lumotlarni qayta ishlashga bo'lgan ehtiyoj sezilarli darajada oshmoqda. Biroq, kichik sun'iy yo'ldoshlar ixcham va yengil bo'lishi talab etilgani sababli, ularga yuqori unumdorlikka ega radiatsiyadan himoyalangan kompyuterlarni o'rnatish juda qimmatga tushadi. Aynan shu muammoning yechimi sifatida Aitech S-A1760 Venus tizimi yaratildi.

Kompaniya ma'lumotlariga ko'ra, mazkur qurilma qisqa muddatli kosmik parvozlar, shuningdek yer atrofi va pastki orbitadagi sun'iy intellekt vazifalariga mo'ljallangan. Uning asosiy vazifasi taqsimlangan tizimlarda video va signallarni qayta ishlashdan iborat. Qurilmaning yuragi bo'lgan Nvidia Tegra X2 chipi protsessor yadrolari hamda Pascal arxitekturasiga asoslangan grafik protsessorni o'z ichiga oladi.

Nvidia Tegra X2 tizimli chipi o'zi radiatsiyaga to'liq chidamli bo'lmasa-da, tegishli himoya choralari bilan kosmosda foydalanishga yaroqli holatga keltiriladi. Aitech S-A1760 Venus tizimi chuqur kosmos yoki uzoq muddatli parvozlardan tashqari hududlar uchun belgilangan Series 300 darajasidagi malaka sinovidan muvaffaqiyatli o'tgan.