"Rust" filmidagi fojiada yana bir kishi sud qilindi 🎬

2021-yilda "Rust" filmini suratga olish jarayonida barchani qattiq taajjubga solgan fojiali hodisa yuz bergan edi. Ma’lumki, aktyor Alek Bolduin qo‘lidagi qurolni o‘qotar emas, balki quruq o‘q bilan to‘ldirilgan deb o‘ylab harakatlantirganda, o‘q ovoz operatori Halyna Hutchinsga tekkan edi. Og‘ir jarohat olgan ayol shifoxonaga olib borilgan bo‘lsa-da, uning hayotini saqlab qolish imkoni bo‘lmadi. Ushbu shov-shuvli ish yuzasidan AQSH sudlari tomonidan dastlabki hukm chiqarildi.

Filmni suratga olish maydonchasida qurollar xavfsizligiga mas’ul bo‘lgan 26 yoshli Hannah Gutierrez-Reed sud tomonidan ehtiyotsizlik orqali odam o‘ldirish aybi bilan eng yuqori darajada jazolandi. U 18 oy muddatga ozodlikdan mahrum etildi. Shu bilan birga, sud jarayonida unga qo‘yilgan dalillarni ataylab o‘zgartirish yoki yashirish ayblovlari o‘z tasdiqini topmadi va u bu band bo‘yicha oqlndi. Prokurorlar Gutierrez-Reed qurol ichida haqiqiy o‘qlar bor-yo‘qligini tekshirmagani va nazorat qilmaganini ta’kidlashdi.

Prokuror Kari T Morissey o‘zining yakuniy nutqida sodir bo‘lgan xavfsizlik qoidalarining buzilishi oqibatida inson hayotiga zomin bo‘linganini qayd etdi. U Gutierrez-Reedning o‘ta mas’uliyatsiz, e’tiborsiz va loqayd harakatlari fojiaga sabab bo‘lganini bildirdi. Biroq chiqarilgan bu hukm Halyna Hutchinsning yaqinlarini to‘liq qoniqtirgani yo‘q. Marhumaning oilasi mazkur jinoyatga aloqador bo‘lgan barcha shaxslar qonun oldida to‘liq javob berishi va jazolanishini talab qilmoqda.

Voqeada bevosita ishtirok etgan 65 yoshli aktyor Alek Bolduin ham joriy yilning iyul oyida ehtiyotsizlik oqibatida odam o‘ldirish ayblovi bilan sud qilinishi kutilmoqda. Shuningdek, film produserlari ish joyida xavfsizlik talablarini jiddiy xavf ostiga qo‘yganlikda ayblanmoqda. Hozirgacha haqiqiy o‘qlar suratga olish maydonchasiga qanday qilib kelib qolgani noma’lumligicha qolmoqda, biroq ular aynan Gutierrez-Reed tomonidan olib kelingan bo‘lishi mumkinligi taxmin qilinmoqda. Boshqa tomondan, qurolni Bolduinga tutqazgan rejissyor yordamchisi ham qurol ichida haqiqiy o‘q borligidan mutlaqo bexabar bo‘lganini va uni bevosita qurol mas’ulidan qabul qilib olganini ta’kidlagan.