Bitcoin uchun ZCASH maxfiyligi taklif qilindi 🛡️

Kriptografiya tadqiqotchilari Bitcoin tarmog'ida maxfiylikni ta'minlash maqsadida Zcash texnologiyasini qo'llash bo'yicha yangi taklifni e'lon qilishdi. Nyu-Yorkda joylashgan [alloc] init laboratoriyasi mutaxassislari tomonidan tayyorlangan mazkur loyiha Shilded Bitcoin deb nomlanib, u asosiy protokollarni o'zgartirmasdan turib maxfiylikni kafolatlashni maqsad qilgan. Ushbu tashabbus Zcash narxi so'nggi bir oy ichida deyarli 96 foizga o'sgan va oxirgi o'n yillikdagi eng yuqori darajaga yetgan bir paytda o'rtaga tashlandi.

Maqola mualliflari Klar Shikhelman, Mixail Komarov va Aleksey Moskvinlarning fikricha, ularning dizayni Bitcoin foydalanuvchilariga maxfiylikni taqdim eta oladi. Hozirgi kunda barcha Bitcoin tranzaksiyalari ommaviy blokcheynda qayd etiladi va tahlil firmalari ular orqali faoliyatni kuzatishi mumkin. Zcash esa jo'natuvchi, qabul qiluvchi va summani yashiradigan himoyalangan tranzaksiyalar hamda nol-tasdiqli dalillardan foydalanadi.

Shilded Bitcoin yordamida foydalanuvchilar shifrlangan eslatmalarga ega bo'lishadi. Taklif qilingan yechim metaprotokol sifatida ishlaydi, ya'ni u Bitcoin ustiga qo'shimcha qatlam sifatida o'rnatiladi. Natijada dasturiy ta'minotni o'zgartirishni talab qiluvchi soft fork zarurati yo'qoladi, chunki Bitcoin faqat shifrlangan ma'lumotlarni qayd etadi, alohida tizim esa egalik huquqini boshqaradi.

Shunga qaramay, mazkur taklifda hali hal etilmagan jiddiy muammo mavjud. Foydalanuvchilar standart BTC tangalarini himoyalangan tizimga kirish va chiqish yo'llariga ega emaslar. Tadqiqotchilar buni Bitcoin PIPEs deb nomlangan eksperimental usul yordamida hal qilishni rejalashtirmoqda, ammo uning tafsilotlari hali chop etilmagan. Shuningdek, bu kirish va chiqish nuqtalari kuzatuvchilar uchun xavflarni keltirib chiqarishi mumkin.