Biyogaz stansiyasi karbon-negatif bo'lmoqda ⚡️

Qishloq xo'jaligi chiqindilaridan biyogaz yoqish orqali elektr toki olish jarayoni dunyoda allaqachon qo'llanilib kelinmoqda. Ushbu usul atmosferaga ajraladigan karbonat angidrid hajmidan kelib chiqib, ma'lum miqdorda energiya ishlab chiqarish imkonini beradi. Reverion nomli startap esa chiqindilardan ancha yuqori samaradorlik bilan tok ishlab chiqarishni da'vo qilmoqda va qo'shimcha ravishda sof CO2 gazini tutib qolib, uni saqlash tizimini taqdim etdi. Bu gaz keyinchalik sotilishi, metan ishlab chiqarishga yo'naltirilishi yoki doimiy ravishda saqlab qo'yilishi mumkin.

Mazkur yangi me'moriy yechim stansiyani karbon-negatif ko'rsatkichga olib chiqadi, chunki qurilmada maxsus CO2 ajratish tizimi mavjud. Jihoz suyuqlashtirilib, tashishga qulay holatga keltiriladigan karbonat angidrid oqimidan boshqa hech qanday zararli gaz chiqarmaydi. Tizimning asosiy afzalliklaridan biri elektr tarmoqlaridagi ortiqcha energiyani saqlab qolish xususiyatidir. Ehtiyoj tug'ilganda tarmoqdan olingan tok suv bug'i hamda karbonat angidrid yordamida vodorod va uglerod monoksidga, xohishga ko'ra esa metanga aylantirilib energiya zaxiralanadi.

Biyogaz energetikasi talabga qarab doimiy ishlay oladigan yoki faollashadigan xususiyatga ega bo'lib, shamol va quyosh energiyasi yetarli bo'lmagan paytlarda zaxira manba sifatida xizmat qiladi. Hosil qilingan vodorod qaytadan elektr toki ishlab chiqarishga sarflanishi mumkin va bunda qaytarish samaradorligi 75 foizni tashkil etadi. Shuningdek, Yevropadagi qayta tiklanadigan energiya ortiqcha bo'lgan vaqtda kuzatiladigan salbiy narxlar sharoitida tizimni quvvatlantirib daromad olish ham mumkindir.

Qurilmalar bitta konteyner ichiga joylashadigan qilib loyihalashtirilgan bo'lib, 100 kVt quvvatli variant yarim konteynerni, 500 kVt quvvatli uskunalar esa to'liq konteynerni egallaydi. O'rnatish jarayoni sodda bo'lib, faqat biyogaz hamda elektr kabellarini ulash talab etiladi. Narxlarga kelsak, 100 kVt quvvatli tizim 600 ming yevro, 500 kVt quvvatlisi esa 3 million yevroni tashkil qiladi.

Uskunalar 20 yil davomida xizmat qilishga mo'ljallangan, biroq qattiq oksidli yonilg'i elementi kabi ayrim qismlarini har 5 yilda almashtirib turish zarur. Yaqinda o'tkazilgan investitsiya raundida seriyali ishlab chiqarish uchun 62 million yevro mablag' to'plagan kompaniya kelgusi ikki yil ichida yuzta stansiyani bozorga chiqarishni maqsad qilgan va hozirning o'zida 100 million yevrlik oldindan buyurtmalar qabul qilingan.