Apple 8GB xotirani qaytardi 💻

O'tgan yilning oxirida Apple kompaniyasi o'zining barcha Mac modellarida 16GB tezkor xotirani minimal standart sifatida belgilagan edi. Ushbu o'zgarish ko'pchilik tomonidan sun'iy intellekt funksiyalarini qo'llab-quvvatlash zarurati sifatida baholandi, chunki eski 8GB hajm talablarga javob bermasdi. Ajoyib jihati shundaki, Apple narxlarni o'zgartirmasdan turib ushbu qadamni tashlagan va tarixda ilk bor boshlang'ich hamda qimmat Mac modellar bir xil xot hajmiga ega bo'lgan edi.

Oradan o'n olti oy o'tib, aniqrog'i 2026-yilning 11-martida Apple $599 dollarlik narxda MacBook Neo'ni sotuvga chiqardi. Ushbu qurilma 8GB tezkor xotira, 256GB doimiy xotira va iPhone 16 Pro protsessori bo'lgan A18 Pro chipi bilan jihozlangan bo'lib, sun'iy intellekt uchun maxsus yaratilgan deb e'lon qilindi.

Bunday keskin burilishga xotira chiplari bozoridagi narxlar o'sishi sabab bo'ldi. Ma'lumot markazlari talabi tufayli ishlab chiqaruvchilar o'z quvvatlarini sun'iy intellekt serverlariga yo'naltirdilar. TrendForce ma'lumotlariga ko'ra, an'anaviy xotira narxlari 2026-yilning birinchi choragining o'zida 90-95 foizga oshgan.

SmartScout tahlil kompaniyasi 2026-yil sentabr oyida AQShning Amazon bozoridagi ma'lumotlarni o'rganib chiqdi. Unga ko'ra, 300 ta Apple noutbuki e'lonlari oyiga 114 million dollardan ortiq daromad keltirayotgani aniqlangan. Bugungi kunda sotilayotgan qurilmalarning 45.6 foizi 8GB xotiraga ega bo'lib, bunga asosan yangi MacBook Neo sababchidir.

Xotira narxlari keskin qimmatlashgan bir paytda ishlab chiqaruvchilar narxni oshirish yoki qismlarni kamaytirish yo'lini tanlashga majbur bo'lishdi. Noutburk ishlab chiqaruvchilar spetsifikatsiyalarni o'zgartirish orqali vaziyatdan chiqqan bo'lsa, o'zgarish imkoniyatiga ega bo'lmagan konsol ishlab chiqaruvchilar boshqa qiyinchiliklarga duch kelishdi.