Oq uyi Tramp va Si Szinpinni qabul qildi 🤝

Oq uydagi rasmiy kechki ovqat doirasida AQSh prezidenti va Xitoy rahbari Si Szinpin o'rtasida muhim uchrashuv bo'lib o'tdi. Xitoy yetakchisining so'zlariga ko'ra, tomonlar o'rtasida ochiq va chuqur suhbatlar bo'lib o'tgan hamda ko'plab masalalar yuzasidan mushtarak kelishuvga erishilgan. Bu esa AQSh va Xitoy o'rtasidagi barqarorlik va konstruktiv munosabatlarni yangi mazmun bilan boyitgan.

Muloqot chog'ida Si Szinpin Qo'shma Shtatlar yaqinda o'z mustaqilligining 250 yilligini nishonlaganini eslatib o'tdi va Xitoy hukumati hamda xalqi nomidan tabrik yo'llaganini aytdi. U ikki davlat o'rtasidagi do'stona aloqalar va savdo-sotiq tarixi ikki yuz yildan ortiq davrni o'z ichiga olishini ta'kidlab, mamlakatlar mas'uliyatli yirik davlatlar sifatida birgalikda harakat qilishi lozimligini qo'shimcha qildi.

Uchrashuvda AQSh prezidenti ham xitoylik hamkasbi bilan haqiqiy va buyuk do'stlik aloqalari rivojlanganini alohida ta'kidlab o'tdi. Ikki yetakchining muloqoti davomida turli xalqaro mavzular ham e'tibordan chetda qolmadi.

Xitoyning "Xinhua" davlat axborot agentligi tarqatgan ma'lumotlarga ko'ra, Si Szinpin AQSh va Eronni iyun oyida imzolangan memorandum shartlariga qaytishga chaqirgan. Ushbu hujjat harbiy harakatlarni to'xtatish, Hormuz bo'g'ozini ochish, AQSh dengiz blokadasini bekor qilish hamda yanada barqaror tinchlik muzokaralarini boshlashni nazarda tutgan edi.