📉 Bitkoin mayningi foydali sohaga aylandi!

JPMorgan bank ekspertlarining ta'kidlashicha, bitkoinni qazib olish tannarxi an'anaviy ravishda uning narxi uchun yumshoq quyi chegara vazifasini bajarib kelgan. Agar bozor qiymati uzoq muddat davomida ushbu ko'rsatkichdan past qolsa, xarajatlari yuqori bo'lgan ishtirokchilar zararga ishlay boshlaydi. Bunday sharoitda ular o'z aktivlarini faolroq sotishga, uskunalarni o'chirishga yoki bozorni butunlay tark etishga majbur bo'ladi.

Mutaxassislar joriy zararli davr odatdagidan ancha uzoq cho'zilganiga e'tibor qaratdi. Shunga o'xshash holat oxirgi marta 2018 yilda kuzatilgan bo'lib, o'shanda asosiy kriptovalyuta taxminan 224 kun davomida o'z tannarxidan past narxda sotilgan edi. Joriy yilning o'tgan oylarida qazib olish korxonalari xarajatlarni kamaytirish uchun turli choralarni ko'rdi. Xususan, uskunalar elektr energiyasi arzon bo'lgan hududlarga ko'chirildi, eski qurilmalar sotib yuborildi va quvvatlarning bir qismi vaqtincha to'xtatildi.

Bank tahlilchilarining fikricha, narxlarning 85 000 dollardan yuqoriga ko'tarilishiga AQSh Senati tomonidan CLARITY kriptobozorni tartibga solish qonun loyihasining rad etilishi ham sabab bo'lgan. Ushbu qarordan so'ng investorlar pasayishga qarshi pozitsiyalarini yopa boshladi. Parallel ravishda tarmoq hesfreyti oktyabr oyidagi eng yuqori ko'rsatkichdan qariyb 19 foizga, qazib olish qiyinligi esa 15 foizga kamaydi.

Hozirgi vaqtda ommaviy kompaniyalar hisoblash quvvatlarini kengaytirish rejalarini qisqartirmoqda. Chunki infratuzilmaning muayyan qismi sun'iy intellekt vazifalariga moslashtirilmoqda. Sun'iy intellekt operatorlari ma'lumotlar markazlari va elektr energiyasi uchun yuqoriroq narx to'lashga tayyor, undan tushadigan daromad esa mayningka qaraganda barqarorroq hisoblanadi.

JPMorgan mazkur tendentsiya bitkoinni qazib olish tannarxining keyingi o'sishini sekinlashtirishini taxmin qilmoqda. Shuningdek, bu yirik ommaviy maynerlar qo'lida hesfreytning haddan tashqari to'planib qolish xavfini kamaytiradi. Avvalroq VanEck kompaniyasi tahlilchilari ham yaqin yillarda baholashda asosiy omil bitkoin hajmi emas, balki sun'iy intellekt infratuzilmasini rivojlantirish qobiliyati bo'lishini bildirgandi.