GTA VI 2025-yil kuzida chiqadi 🎮

Rockstar kompaniyasining navbatdagi videoo‘yini borasida 2022-yilda tarqalgan ko‘plab ma’lumotlar sizib chiqishidan buyon turli mish-mishlar to‘xtagani yo‘q. Avvalroq loyiha 2025-yilga qoldirilgani e’lon qilingan edi, bu esa o‘z navbatida ko‘plab taxminlarga sabab bo‘ldi. Endilikda Take-Two kompaniyasi ushbu muddatni qisqartirib, o‘yin 2025-yilning kuzida taqdim etilishini ma’lum qildi.

Grand Theft Auto VI o‘yini tarixdagi eng ko‘p sotilgan ikkinchi o‘yin maqomiga ega bo‘lgan, faqatgina Minecraft’dan ortda qolayotgan GTA 5 o‘rnini egallash uchun kelmoqda. Muxlislar ushbu yangi loyihani katta qiziqish bilan kutishmoqda, chunki unda afsonaviy Vice City xaritasi yana qaytadi. Ushbu hudud zamonaviy texnologiyalar tufayli sezilarli darajada kengaytirilib, yanada ko‘proq joylar va tafsilotlar bilan boyitilgan holda namoyish etiladi.

Shunga qaramay, reliz sanalari har doim ham o‘z vaqtida bajarilavermasligi mumkin. Studio ushbu loyiha ustida bir necha yildan beri ishlamoqda va avvalgi qism chiqqaniga o‘n yildan oshdi. Har holda, ushbu uzoq kutilgan o‘yinni sinab ko‘rish uchun kelgusi yilning kuziga qadar kutishga to‘g‘ri keladi.