🇪🇺 Evropa texnologiya kompaniyalari yuksalishda

Yillar davomida asosan Amerika Qo'shma Shtatlariga tayanib kelgan Yevropa davlatlari endilikda o'z kuchiga tayanish vaqti kelganini anglab yetdi. Vujudga kelgan bu yangi vaziyat mintaqadagi mudofaa va texnologiya sohasidagi korxonalarga ulkan sarmoyalar kiritilishiga yo'l ochmoqda.

Yevropa Komissiyasi rahbari Ursula fon der Lyeyen shu hafta 150 milliard dollarlik yangi moliyaviy paketni e'lon qildi. Uning ta'kidlashicha, mazkur miqdor kelgusida 800 milliard dollargacha oshishi mumkin. Bu kabi moliyaviy rejalar Yevropada faoliyat yurituvchi mudofaa va texnologiya korxonalarining aksiyalari birjada tezkorlik bilan o'sishiga turtki bo'ldi.

Xususan, Starlink kompaniyasidan keyin pastki Yer orbitasida eng ko'p sun'iy yo'ldoshga ega bo'lgan ikkinchi yirik korxona – Eutelsat aksiyalari keskin yuqoriladi. Garchi Starlink Eutelsat'dan o'n barobar ko'p sun'iy yo'ldoshga ega bo'lsa-da, uning yo'qligida Eutelsat Yevropaning asosiy muqobil variantiga aylanadi.

Biroq shu hafta aksiyalari qimmatlashgan yagona kompaniya Eutelsat bo'lmadi. Mudofaa va sun'iy yo'ldosh texnologiyalari bilan shug'ullanuvchi boshqa ko'plab firmalarning ham qog'ozlari yuqoriga qarab harakatlandi. Bularga qo'shimcha ravishda, yaqinda sun'iy intellekt yo'nalishi uchun e'lon qilingan ulkan sarmoyalar ham hisobga olinsa, Yevropa kelgusi yillarda texnologik kompaniyalar uchun yanada unumli bozorga aylanishi kutilmoqda.