Panasonic kompaniyasi Matter texnologiyali konditsionerlarni chiqardi ❄️

Panasonic Life Solutions India kompaniyasi Hindiston bozorida 2024-yil uchun mo‘ljallangan yangi konditsionerlar turkumini rasman namoyish etdi. Mazkur taqdimot doirasida Miraie platformasi asosida ishlaydigan va Matter protokoli bilan jihozlangan xona konditsionerlari e'lon qilindi. Kompaniya o'zining konditsioner ishlab chiqarishdagi 65 yillik tajribasiga tayanib, jami 60 ta yangi modelni bozora chiqardi.

Yangi mahsulotlar qatori uchta asosiy yo'nalishga – sifatli sovutish, ishonchlilik va o'zaro bog'liqlikka asoslangan. Jetstream, Converti7 va Aerowings kabi texnologiyalar havo oqimini yaxshilasa, nanoeX hamda nanoeG funksiyalari xona ichidagi zarralarni yo'qotib, tozalikni ta'minlaydi. Shuningdek, True AI va Matter protokollari qurilmalarning boshqa tizimlar bilan muammosiz ishlashini va sozlamalarni aqlli tarzda boshqarishni ta'minlaydi.

Barcha qurilmalar "Make in India" tashabbusi doirasida Xaryana shtatidagi Texnopark zavodida yig'iladi. Miraie ilovasi yordamida foydalanuvchilar haroratni o'zgartirishi, holatni kuzatishi va havo ifloslanishi haqida xabardor bo'lishi mumkin. Yangi modellarning quvvati 1.0, 1.5 va 2.0 tonna sinflarini o'z ichiga oladi.

Qurilmalarni mamlakatdagi yirik savdo nuqtalari, Amazon.in va Flipkart onlayn platformalari hamda Panasonic do'konlaridan xarid qilish mumkin. Inverter konditsionerlarning boshlang'ich narxi 33 990 rupiydan boshlanadi. Kompaniya rahbariyati bu qadam iste'molchilarning zamonaviy talablari, jumladan, energiya tejamkorligi va qulaylik ehtiyojlarini qondirishga qaratilganini ta'kidladi.