Qozogʻistonda vazir oʻrinbosari lavozimidan ozod etildi 🏛️

Qozogʻiston Respublikasi hukumatining qaroriga binoan, Timur Djienbayevich Karagojshin sanoat va qurilish vaziri oʻrinbosari lavozimidan ozod etildi. Ushbu lavozimga u 2023-yilning oktyabr oyida tayinlangan boʻlib, isteʼfoga chiqishiga uning pensiya yoshiga yetgani asos qilib koʻrsatildi.

Timur Karagojshin 1961-yil 9-aprelda Gʻarbiy Qozogʻiston viloyatida tavallud topgan. Oliy maʼlumotni Olmaota arxitektura-qurilish institutida hamda Qurilish texnologiyasi, baholash va sifatni boshqarish universitetida olgan.

U oʻzining mehnat yoʻlini oddiy ishchilikdan, jumladan, Furmanov qoʻy goʻshtini sovuqda saqlash kombinati qassobxonasining ishchisi sifatida boshlagan. Keyinchalik oʻz faoliyati davomida turli masʼul lavozimlarda mehnat qilgan.

Xususan, u Uralsk shahri hokimining oʻrinbosari, "QТJ" milliy kompaniyasi loyihalash va kapital qurilish direksiyasi filiali direktori, shuningdek, Oqmola viloyati boʻyicha davlat arxitektura-qurilish nazorati va litsenziyalash departamentini boshqargan. Shuningdek, "Gosekspertiza" respublika davlat korxonasi bosh direktori hamda sanoat va infratuzilmani rivojlantirish vaziri oʻrinbosari lavozimlarida ham ishlagan.