Bitkoin $85 000 ga yetdi! 🚀

Dunyoning asosiy kriptovalyutasi bo'lgan Bitkoin qiymati navbatdagi muhim marraga erishib, 85 000 AQSh dollari darajasiga ko'tarildi. Ushbu o'sish qisqa siqilish jarayoni yuzaga kelishi bilan izohlanib, u ayiq yo'nalishidagi garovlarni bozordan siqib chiqardi va umumiy hajmda 648 million dollarlik pozitsiyalarning tugatilishiga sabab bo'ldi.

Bozordagi faollikning yuqori darajada saqlanib qolayotganini fyuçers va optsion shartnomalaridagi ochiq qiziqish ko'rsatkichining oshishi ham tasdiqlaydi. Jumladan, mazkur ko'rsatkich 7,59 foizga o'sish qayd etib, jami 156 milliard dollarga yetdi.

Mutaxassislar va tahlilchilarning ta'kidlashicha, ayrim pozitsiyalar yopilganiga qaramay, treyderlar o'z faolligini to'xtatmayapti. Bu esa bozordagi ishtirokchilarning hozirgi tendentsiyadan chekinmayotganidan va faol savdo qilishda davom etayotganidan dalolat beradi.