M6 chipiga ega MacBook Pro oktyabrda chiqishi mumkin 💻

Apple kompaniyasi M6 protsessoriga ega yangi boshlang‘ich darajdagi 14 dyuymli MacBook Pro noutbukini joriy yilning oktyabr oyidayoq namoyish qilishi ehtimoli bor. Bloomberg nashri xodimining so'zlariga ko'ra, texnologiya giganti mazkur yangi qurilmani taqdim etishga hozirlik ko'rmoqda. OLED ekranli kelgusi noutbuklardan farqli o'laroq, bu bazaviy model o'zining avvalgi tanish MacBook Pro dizaynini saqlab qolishi kutilmoqda.

Shuningdek, Apple kompaniyasining o'dasturiy ta'minotidan hali e'lon qilinmagan bazaviy noutbukka oid havolalar topilgani haqida ham xabarlar tarqaldi. Kompaniyaning bu galgi rejasidagi g'ayrioddiy jihat shundaki, M6 chipli model M5 Pro va M5 Max chiplari bilan ishlaydigan yuqori darajadagi boshqa noutbuklar bilan bir vaqtda bozorga chiqishi mumkin. Qimmatroq va yangilangan bu qurilmalar OLED sensorli ekranlari, yanada yupqa korpusi hamda o'zgacha ekran kemtigiga ega bo'lishi kutilmoqda.

Bunday holat chi nomlari orqali Apple noutbuklarining darajalarini aniqlashni biroz qiyinlashtirishi mumkin. Standart 14 dyuymli model M6 avlodiga o'tsa-da, yanada qimmatroq va qayta dizayn qilingan noutbuklar avvalgi M5 avlodining yuqori unumdorlikdagi variantlaridan foydalanishi mumkin. Shu bilan birga, Apple an'anaviy mini-LED ekranli MacBook Pro modellarini ham saqlab qolish niyatida ekanligi haqida ma'lumotlar mavjud.

Omdia tahlil kompaniyasi mini-LED ekranli jihozlar kamida 2028-yilgacha Apple assortimentida qolishini taxmin qilmoqda. Bu esa OLED texnologiyasi boshida alohida premium toifani egallashidan darak beradi. Oktyabr oyi an'anaviy tarzda Mac taqdimotlari uchun bir necha bor tanlangan bo'lib, jumladan, 2023-yilda M3 MacBook Pro va 2024-yilda M4 Mac qurilmalari shu oyda taqdim etilgan edi. Hozircha Apple oktyabr oyi uchun rasmiy tadbir e'lon qilmagani sababli, yangi M6 MacBook Pro matbuot xabari va taqdimot videoroligi orqali ham e'lon qilinishi mumkin.