Kripto bozori nima uchun o'smoqda? 📈

Bugungi kunda kriptovalyuta bozori keskin o'sish dinamikasini namoyish etmoqda. Asosiy aktivlar, jumladan Bitcoin, Ethereum va boshqa altkoinlar narxining ko'tarilishiga geosiyosiy vaziyatning yumshashi sabab bo'ldi. Tahlilchilarning fikricha, AQSh rejalashtirgan yirik harbiy operatsiyaning dam olish kunlarida bekor qilinishi bozorlardagi xavotirlarni kamaytirgan va yangi haftaning ijobiy kayfiyatda boshlanishini ta'minlagan.

Bu o'zgarish darhol derivativlar bozoriga ham ta'sir qildi. Yevropa savdo sessiyasi boshlanishi bilan Binance platformasidagi sof xarid hajm qisqa vaqt ichida sezilarli darajada oshdi. Ushbu keskin faollik fonida bozor ishtirokchilarining qisqa pozitsiyalari ommaviy ravishda yopildi va qariyb 400 million dollardan ortiq mablag' tugatildi. Natijada Bitcoin narxi 86 ming dollardan yuqoriga ko'tarilib, umumiy bozor yashil zonaga o'tdi.

CoinMarketCap ma'lumotlariga ko'ra, yetakchi valyutalar bir kechada sezilarli foyda ko'rdi. Xususan, Bitcoin oxirgi 24 soat ichida qariyb 5 foizga qimmatlashgan bo'lsa, Ethereum 5 foizdan ortiq o'sish qayd etdi. Shuningdek, Solana, XRP va Cardano kabi muqobil tangalar ham yuqori ko'rsatkichlarni namoyish etdi.

Shunga qaramay, ba'zi ko'rsatkichlar treyderlarni ehtiyotkor bo'lishga undamoqda. CryptoQuant tahlilchilariga ko'ra, Coinbase Premium indeksi yana manfiy qiymatga tushib qolgan. Mazkur indeks Coinbase va Binancejft birjalaridagi narx farqini solishtirib, AQShdagi spot talab darajasini ko'rsatadi. Hozirgi ko'rsatkich biroz manfiy ekanligi bozordagi bu tiklanish AQSh investorlari tomonidan to'liq tasdiqlanmaganini anglatadi.

Ayni paytda bozorda yangi buqa sikli boshlangani haqidagi muhokamalar ham qizg'in tus olmoqda. Biroq, tahlilchilar barqaror va uzoq muddatli o'sish kuzatilishi uchun AQSh spot talabi ham ijobiy hududga qaytishi kerakligini eslatib o'tmoqda.