AMD va SiFive sun'iy intellekt texnologiyalarida 💻

SiFive va AMD kompaniyalari RISC-V arxitekturasi uchun AMD ROCm dasturiy ekotizimini moslashtirish va optimallashtirish borasida hamkorlik qilmoqda. Tomonlar yaqinda namoyish etilgan BigSky Datacenter Development Platform server arxitekturasida ROCm imkoniyatlarini muvaffaqiyatli sinovdan o'tkazdi.

Jarayon davomida SiFive P870-D yadrolariga ega serverlar bazasida va ROCm 10.0 yordamida zamonaviy Gemma4-E2B sun'iy intellekt modeli ishga tushirildi. Ma'lumotlarni qayta ishlash va infereens vazifalarini esa AMD Radeon AI PRO R9700 tezlatkichlari bajardi. Ushbu qo'shma yechim kelgusida ma'lumotlar markazlarida ochiq manbali dasturlar va RISC-V apparat platformalarini uyg'unlashtirish imkonini beradi.

SiFive vakillarining ta'kidlashicha, mazkur yondashuv ishlab chiquvchilarga zamonaviy sun'iy intellekt vazifalarini hal etishda yordam beradi. Sinovlar o'tkazilgan BigSky SF-2U870 serveri 32 ta protsessor yadrosi, 256 gigabayt tezkor xotira hamda yuqori tezlikdagi NVMe xotira qurilmalari bilan jihozlangan bo'lib, dasturiy ta'minotni optimallashtirish uchun maxsus yaratilgan.

Shu bilan birga, apparat va saqlash tizimlari bozorida boshqa yangiliklar ham mavjud. Jumladan, ASUS kompaniyasi AMD EPYC Genoa platformasiga asoslangan yangi OJ340A-RS60 nomli yuqori zichlikdagi ma'lumotlarni saqlash tizimini taqdim etdi. Ushbu qurilma yuqori unumdorlikdagi hisob-kitoblar, katta til modellarini o'qitish hamda murakkab tahliliy vazifalar uchun mo'ljallangan.