Microsoft oktyabrda Windows va Surface tadbirini o'tkazadi 💻

Microsoft kompaniyasi kelasi oyda Windows va Surface qurilmalarining kelajagiga bag'ishlangan maxsus tadbir o'tkazishini e'lon qildi. The Verge nashrining xabar berishicha, so'nggi shunday yirik taqdimotdan beri ikki yildan ortiq vaqt o'tgan. Kelasi oyning boshida San-Frantsisko shahrida bo'lib o'tadigan mazkur tadbir 7 oktyabrga belgilangan bo'lib, unda mahalliy sun'iy intellekt texnologiyalari kompyuterlar kelajagini qanday belgilashi haqida so'z boradi.

Tadbirda Microsoft bosh direktori Satya Nadella hamda Windows va Surface bo'limi rahbari Pavan Davuluri ishtirok etishi kutilmoqda. Shuningdek, Nvidia bosh direktori Djensen Xuangning ham qatnashi kutilayotgani e'tiborga molik. Bu holat yangi Arm-platformasidagi qurilmalar asosiy mavzuga aylanishi mumkinligidan dalolat beradi. Mutaxassislarning fikricha, ushbu taqdimotda Windows 12 operatsion tizimi haqida ma'lumot berilishi ehtimoldan yiroq.

Shu bilan birga, Microsoft Windows 11 uchun favqulodda va rejadank tashqari yangilanishlarni tarqatishni boshladi. Sentyabr oyidagi yirik xavfsizlik paketidan keyin korporativ foydalanuvchilar, dasturchilar va o'yinqaroqlar duch kelgan xatolarni bartaraf etish maqsadida ushbu chora ko'rildi. Xususan, Hyper-V dagi Linux virtual mashinalari, masofaviy ish stoli xizmatlari hamda ayrim USB audio qurilmalarining ishida yuzaga kelgan nosozliklar yo'qotilmoqda.

Mazkur favqulodda tuzatishlar Windows 11 ning 26H1, 25H2 va 24H2 versiyalari uchun taqdim etildi. Qolaversa, kompaniya Windows 10 LTSC hamda Windows Server tizimlarining ayrim versiyalari uchun ham tegishli yangilanishlar chiqargan. Joriy yilda Microsoft uchun bunday rejadank tashqari favqulodda yangilanishlarni chiqarish amaliyoti odatiy holga aylanib bormoqda.