Epson yangi Q seriyali 4K proyektorlarini taqdim etdi 📽

Epson kompaniyasi o'zining yangi Q seriyasiga mansub uchta ilg'or lazerli proyektorni rasman taqdim etdi. QB1000, QL3000 va QL7000 deb nomlangan ushbu modellar uy sharoitida yuqori sifatli kinoteatr muhitini yaratish uchun maxsus ishlab chiqilgan bo'lib, ular 3840 x 2160 piksel o'lchamli 4K tasvirni va 120 Gts gacha bo'lgan yanglanish chastotasini ta'minlaydi. Ishlab chiqaruvchining ma'lumotiga ko'ra, mazkur proyektorlarning lazerli yorug'lik manbalari 20 000 soatgacha ishlash muddatiga mo'ljallangan.

Qatorning boshlang'ich modeli bo'lgan QB1000 3300 lumengacha yorug'lik oqimini taqdim etadi. O'rta darajadagi QL3000 modeli 6000 lumen yorqinlikka ega bo'lsa, eng quyi va ilg'or QL7000 rusumi 10 000 lumengacha yorqinlik darajasini ko'rsatadi. Ushbu qurilmalar HDR, HDR10 va HLG formatlarini qo'llab-quvvatlaydi hamda qo'sh mikrolinza massiv texnologiyasi yordamida eni 300 dyuymgacha bo'lgan tasvirlarni namoyish eta oladi. Shuningdek, Epson'ning maxsus QXZ tasvir protsessori yorqinlik, rang aniqligi va kontrastni oshirishga xizmat qiladi.

Uchala model ham 40 Gbps tezlikdagi ikkita HDMI 2.1 porti bilan jihozlangan bo'lib, QB1000 modeli HDMI 2.1 ARC/eARC portiga ham ega. Avtomatik past kechikish rejimi va 20 millisekunddan kam bo'lgan kirish kechikishi tufayli QB1000 ayniqsa o'yin ixlosmandlari uchun qulay hisoblanadi. Proyektorlarni Control4 va Crestron aqlli uy tizimlariga ulash mumkin, biroq ularning Google Home yoki Apple HomeKit kabi boshqa ekotizimlar bilan ishlashi ko'zda tutilmagan.

Yangi mahsulotlar joriy yilning oktyabr oyida sotuvga chiqariladi. Narxlarga ko'ra, QB1000 7999 dollar, QL3000 14 999 dollar va eng qimmat QL7000 modeli 29 999 dollar miqdorida baholangan. Shuni ta'kidlash kerakki, QL3000 va QL7000 modellari linzalarsiz sotuvga chiqariladi, biroq ular Epson kompaniyasining har qanday yuqori aniqlikdagi linzalari bilan mos keladi.