🤖 San-Fransiskodagi Waymo avtoparkining qiziqarlari

Internetda San-Fransiskodagi Waymo robotaksilari deposidan uzatilayotgan jonli efir va qiziqarli videolar keng muhokama qilinmoqda. Mahalliy aholi vakili tomonidan taqdim etilayotgan ushbu kadrlar sun'iy intellektga asoslangan avtomashinalarning depodagi o‘ziga xos xatti-harakatlarini ochib beradi. Ma’lum bo‘lishicha, robotaksilar odamlardek tartibli harakat qilmay, aksincha bir-biriga xalaqit beradi va yo‘lni to‘sib qo‘yadi.

Videolardan ko‘rinib turibdiki, ko‘plab avtomashinalar bir vaqtning o‘zida harakatga kelganda tizimda samaradorlik pasayadi. Mashinalar o‘zaro boshqa sun'iy intellekt bilan ishlayotganini tushunmagan holda o‘ta qaysar va egoistik tarzda faqat depodan chiqib ketishga intiladi. Birgina yaqinlashish holatining o‘zi orqadagi mashinalarning signal chalishiga sabab bo‘ladi.

Xususan, tarqatilgan videolardan birida tunda sodir bo‘ladigan o‘ziga xos signal chalish holatlari aks etgan. Har bir mashinaning ortga harakatlanishi ortdagilarning noroziligiga va signal chalishiga olib kelgan. "The Verge" nashrining xabar berishicha, ushbu tungi signal ovozlari muammosi keyinchalik maxsus dasturiy ta'minot yangilanishi orqali bartaraf etilgan.

Mutaxassislar fikricha, Waymo o‘z transport vositalariga depoda madaniyatli harakatlanishni o‘rgatmagan, garchi texnik jihatdan bu avtomashinalarning chiqib-kirishi uchun asosiy to‘siq bo‘lmasa ham. Biroq shahar aholisi uchun bu kabi holatlar noqulayliklar tug‘dirishi mumkin. Texnologiyani kundalik hayotga tatbiq etishda uning jamiyatga ta'sirini baholash masalalari ba'zan yetarlicha e'tiborga olinmasligi ko‘rinib turibdi. Mazkur jarayonlarni kuzatishni istaganlar Sofiya Tung tomonidan taqdim etilgan jonli efir hamda maxsus jadval orqali ma'lumot olishlari mumkin.