Bitcoin Tesla va Samsumgni ortda qoldirdi 📈

Bitcoin o'tgan hafta qayd etilgan narx o'sishi natijasida jahonning eng yirik korporatsiyalaridan ikkitasining umumiy bozor qiymatidan o'zib ketishga erishdi. CompaniesMarketCap ma'lumotlariga ko'ra, hozirda asosiy kriptovalyutaning bozor kapitallashuvi 1,615 trillion dollarni tashkil etmoqda. Bu ko'rsatkich Ilon Mask boshchiligidagi Tesla kompaniyasining 1,438 trillion dollarlik hamda Samsung korporatsiyasining 1,237 trillion dollarlik qiymatidan yuqoridir. Mazkur reytingda Bitcoin 13-o'rinni egallab turgan bo'lsa, Tesla va Samsung mos ravishda 14 va 15-pog'onalarni band etgan.

Ushbu muvaffaqiyat raqamli aktiv narxining sezilarli darajada tiklanishi ortidan yuzaga keldi. CoinGecko tarixiy ma'lumotlariga ko'ra, shanba kuni Bitcoin qiymati 81 914 dollargacha ko'tarildi. O'tgan hafta bozor uchun qiyin kelishi kutilganiga qaramay, xaridorlar bosimga bardosh berdi. Xususan, chorshanba kuni AQSh Federal zaxira tizimi foiz stavkalarini oshirgani va bu xavfli aktivlar uchun to'siq bo'lishi taxmin qilinganiga qaramay, kriptovalyutalar qiymati o'sishda davom etdi.

Seshanba kuni Clarity Act qonun loyihasi Senatda yetarli ovoz to'play olmagach, Bitcoin narxi qisqa muddatga 74 887 dollardan pasaydi, biroq tezda barqarorlashdi. Treiderlar ushbu qonun loyihasining qabul qilinmaslik ehtimolini oldindan baholab qo'ygani sotuvlar hajmini chekladi. Shuningdek, Qimmatli qog'ozlar va birjalar komissiyasi tomonidan ayrim savdo maydonchalariga aksiyalarning tokenlashtirilgan ko'rinishlarini chiqarish uchun tartibga solish yo'lagini ochuvchi buyruqning imzolanishi bozorga qo'shimcha ijobiy turtki berdi.

Hafta yakuniga kelib, AQSh regulyatorining mazkur yangilik qonun loyihasining muvaffaqiyatsizligini qopladi va Bitcoin j jadal o'sishga erishdi. Shanba kungi eng yuqori cho'qqidan so'ng foydani qayd etish jarayoni boshlandi. Maqola yozilish vaqtida esa BTC so'nggi 24 soat ichida 1,02 foizga pasayib, 80 762 dollarni tashkil etayotgandi.