Nvidia rahbari sun'iy intellektni tezlashtirishga chaqirdi 🤖

Dunyodagi eng yirik chip ishlab chiqaruvchi kompaniya – Nvidia rahbari Jensen Huang sun'iy intellektni rivojlantirish ishlarini iloji boricha tez sur'atlarda davom ettirish zarurligini bildirdi. CBS News telekanaliga bergan intervyusida u SI sohasini sekinlashtirish haqidagi chaqiriklarga qarshi chiqib, kompaniya bor imkoniyat bilan harakat qilishini ta'kidladi.

Jensen Huangning so'zlariga ko'ra, mahsulotlar tayyor bo'lmasdan yoki xavfsizlik talablariga javob bermasdan bozorga chiqarilmaydi, biroq jamiyat taraqqiyot va muvaffaqiyatni kutmoqda. Qiymati 5 trillion dollardan oshgan Santa-Klirada joylashgan Nvidia aynan sun'iy intellekt bumidan katta o'sishga erishdi.

So'nggi haftalarda SI texnologiyalarining jadal rivojlanish tezligi mutaxassislarda xavotir uyg'otib, hukumat tomonidan tartibga solish mexanizmlarini joriy etish chaqirig'iga sabab bo'lmoqda. Xususan, Anthropic tadqiqotchisi Jekob Koxon xavfsizlik protokollari chetda qolib ketayotgani va texnologiya kelgusida xavf tug'dirishi mumkinligini aytgan edi.

Anthropic bosh direktori Dario Amodei ham sanoat uzoq vaqt davomida xavflarni yashirganini tan olib, texnologiya eksponensial tezlikda rivojlanayotganini va bu ogohlantirish belgisi ekanini ta'kidladi. Shunga qaramay, Donald Tramp ma'muriyati bunday xavotirlarga nisbatan e'tiborsizlik bilan yondashmoqda.