Kingdom Come: Deliverance 2 uchun eng g'alati mod ⚽

Kingdom Come: Deliverance 2 o'yini uchun yaratilgan eng g'alati modifikatsiyalardan biri jamoatchilik e'tiborini tortdi. Omniscye laqabli entuziast tomonidan tayyorlangan Sphere World deb nomlangan ushbu mod o'yin olamini butunlay o'zgartirib yuboradi.

Ushbu modifikatsiya o'yindagi barcha ayollar va hayvonlarni ulkan to'plarga aylantiradi. Muallifning ta'rificha, hayvonlar endi dumaloq shaklda bo'lib, ular tinimsiz yumalaydi va sakrab yuradi. Shuningdek, ayol qahramonlar ham to'p ko'rinishiga kelgan.

O'zgarishlar faqat ular bilan cheklanib qolmagan. Mod o'rnatilganda eshiklar ham sharsimon shaklga o'tadi, erkak qahramonlar esa ko'rinmas holatga keladi. Muallif hazilomuz tarzda erkaklarning yo'qolib qolishini Radavanning omadsiz tajribalari bilan izohlaydi.

Qiziquvchilar ushbu g'ayrioddiy modifikatsiyani Nexus Mods platformasidan bemalol yuklab olishlari mumkin. Eslatib o'tamiz, Kingdom Come: Deliverance 2 loyihasi hozirgi kunda shaxsiy kompyuterlar, shuningdek PS5 va Xbox Series konsollarida o'yinchilar uchun ochiq.