AQShda kripto qonunchiligi kelishigiga umid 🇺🇸

AQShning yetakchi qonunchilari kriptovalyuta sohasini tartibga solish bo‘yicha sa'y-harakatlarni davom ettirmoqda. Senator Sintiya Lummis va Vakillar palatasining moliya qo‘mitasi rahbari Patrik MakGenri joriy yil yakunigacha keng qamrovli kripto qonunchiligini tasdiqlatish mumkinligiga ishonch bildirishdi.

Seshanba kuni bergan bayonotida senator Lummis kongressning vakolat muddati tugashidan oldingi maxsus sessiya davomida muhim natijalarga erishishiga qattiq inonishini ta'kidladi. U, shuningdek, Qo‘shma Shtatlar strategik Bitkoin zaxirasini shakllantirishi lozimligi haqidagi o‘z qarashini takrorladi. Uning rejasiga ko‘ra, to‘rt yillik xarid qilish dasturi amalga oshirilsa, bundan kelib chiqadigan davlatning BTC zaxiralari hajmi yigirma yil ichida trillionlab dollarga yetishi mumkin.

Lummisning partiyadoshi MakGenri kriptovalyuta bozorini tartibga solish to‘g‘risidagi qonun loyihasini ishlab chiqishda bosh-qosh bo‘lgan edi. Ushbu hujjat FIT 21 nomi ostida may oyida ma'qullangan bo‘lsa-da, uni Senat hali ko‘rib chiqishi kerak. MakGenri agar hozirgi kongress davrida amalga oshmasa ham, bu qonun oxir-oqibat baribir qabul qilinishini qayd etdi.

Shimoliy Karolinadan saylangan vakilning so‘zlariga ko‘ra, bunga har ikki siyosiy partiya doirasida aniq qoidalar va yo‘nalishlarni belgilashga bo‘lgan kuchli intilish sabab bo‘lmoqda. Uning qo‘shimcha qilishicha, Yevropa, Yaponiya va Singapur kabi hududlar regulyatorlari allaqachon o‘z qadamlarini tashlab bo‘lgan, shuning uchun endi Qo‘shma Shtatlar ham ularga ergashib, huquqiy baza yaratishi shart.