🔋 Windows 11'da yangi energiya rejimlari

Windows 11 operatsion sistemasining sinov yig'masida noutbuklarning quvvat manbaiga qarab energiya sarfini boshqarish imkoniyatini taqdim etuvchi uzoq kutilgan funksiya paydo bo'ldi. Avvalgi Windows versiyalarida foydalanuvchilar qaysi manbadan foydalanilishidan qat'i nazar, yagona quvvat rejimini tanlashga majbur bo'lishar edi. Murakkabroq sozlamalar esa Boshqaruv panelining maxsus bo'limida berkitilgan bo'lib, ular oddiy foydalanuvchilar uchun qiyinchilik tug'dirardi.

Microsoft kompaniyasi ushbu jarayonni soddalashtirishga qaror qildi va quvvat rejimlarini to'g'ridan-to'g'ri asosiy Parametrlar menyusiga olib chiqdi. Hozircha mazkur yangilik Canary kanalida chiqarilgan Windows 11 Insider Preview Build 27686 sinov yig'masida mavjud. Kerakli o'zgarishlarni kiritish uchun foydalanuvchilar Tizim, hamda Pitaniya va akkumulyator bo'limlari orqali tegishli rejimni tanlashlari kifoya qiladi.

Biroq, bu hozircha faqat test bosqichidagi imkoniyat ekanligini yodda tutish lozim va uning kelgusidagi barqaror versiyalarga qo'shilishi kafolatlanmagan. Shunga qaramay, kompaniya mobil operatsion tizimlar interfeysiga o'rganib qolgan yosh avlod talablaridan kelib chiqib, Windows muhitini foydalanuvchilar uchun yanada qulay qilishga harakat qilmoqda.

Shu bilan birga, tajribali foydalanuvchilar sevadigan eski Boshqaruv paneli o'z joyida qolmoqda. Ushbu sinov yig'masida yana bir muhim o'zgarish mavjud bo'lib, deyarli o'ttiz yil ichida ilk bor FAT32 fayl tizimi bo'limining hajmi 2 terabaytgacha kengaytirildi.