Volkswagen 1 millioninchi elektr mashinasini ishlab chiqardi 🚗

Volkswagen kompaniyasi Germaniyadagi zavodida o'zining 1 millioninchi elektr avtomobilini ishlab chiqardi. So'nggi yillarda ishlab chiqarish va savdo borasida muammolarga duch kelgan nemis avtogiganti bu yilga faol kirishib, Yevropa bozorida elektromobil savdosini ikki baravar oshirishga muvaffaq bo'ldi.

Biroq, elektromobillar savdosining o'sishi ayni paytda kompaniyaning foyda marjasiga salbiy ta'sir ko'rsatmoqda. Qolaversa, ko'pgina Yevropa davlatlarida subsidiyalarning qisqartirilishi nemis ishlab chiqaruvchisining moliyaviy ko'rsatkichlariga qo'shimcha zarar yetkazmoqda.

Shunga qaramay, Volkswagen kelajakda xarajatlarni kamaytirish va elektromobil biznesini foydali sohaga aylantirish uchun ID.1 va ID.2 modellarini tayyorlamoqda. Shuningdek, Cupra Raval va Skoda Epiq kabi boshqa boshlang'ich darajadagi avtomobillar ham ishlab chiqarish jarayonida.

Joriy yilning birinchi choragida Volkswagen Guruhining umumiy savdosi 0,9 foizga o'sib, 2,1 million donaga yetdi. Daromadlar esa 2,8 foizga oshib, 77,56 milliard yevroni tashkil etdi. Shunga qaramasdan, foyda marjasi 40,6 foizga tushib, 2,19 milliard yevroga kamaydi. Yevropadagi muvaffaqiyatlarga qaramay, kompaniya Xitoy bozorida ulush yo'qotmoqda va AQSh bozorida bojxona siyosati tufayli qiyin yilni boshdan kechirishi mumkin.