Moskva birjasi kripto fyucherslarini kengaytirmoqda 📈

Moskva birjasi Rossiyada yangi qoidalar kuchga korganidan so‘ng o‘zining tartibga solinadigan kriptovalyuta bozorini kengaytirmoqda. Joriy yilning 22-sentabridan boshlab birjada Bitcoin perpetual fyucherslari bilan bir qatorda yana to‘rtta raqamli aktivga asoslangan shartnomalar savdosi boshlanishi e’lon qilindi. Ushbu yangi moliyaviy vositalar Bitcoin, Ether, Solana, XRP va TRON indekslarini kuzatib boradi hamda faqatgina malakali rossiyalik investorlar uchun mo‘ljallangan.

Rossiya Markaziy bankining yangi ko‘rsatmalari ma’qullangan vositachilar orqali kriptovalyuta operatsiyalarini amalga oshirishga ruxsat beradi. Yangi huquqiy baza uyushgan savdolar va raqamli aktivlarni saqlash tizimini ham tartibga soladi. Moskva birjasining ma’lum qilishicha, barcha beshta yangi mahsulot naqd pulda hisob-kitob qilinadigan va avtomatik ravishda yangilanadigan bir kunlik fyucherslar sifatida ishlaydi. Narxlar AQSh dollarida keltirilishiga qaramay, hisob-kitoblar rublda amalga oshiriladi va asosiy tokenlar jismoniy yetkazib berilmaydi.

Birjaning derivativlar bo‘yicha boshqaruvchi direktori Mariya Patrikeevaning ta’kidlashicha, investorlar raqamli aktivlar derivativlariga nisbatan yuqori talab ko‘rsatmoqda. Tartibga solinadigan birja infratuzilmasi bozor qatnashchilari uchun shaffof narx belgilash va xavfsizlik kafolatlarini taqdim etadi. O‘tgan yozdan beri birjaning kripto fyucherslari bilan 72 mingdan ortiq malakali investor savdo qilgan bo‘lib, ularning umumiy aylanmasi 600 milliard rubldan oshgan.

Savdolar boshlanishi oldidan 17-sentabr kuni CoinMarketCap ma’lumotlariga ko‘ra, Bitcoin qiymati 76,300 dollar atrofida savdo qilinib, so‘nggi bir sutkada 0,7 foizga oshgan. Shu bilan birga, CoinGlass ma’lumotlariga ko‘ra, o‘sha kuni fyucherslar bo‘yicha ochiq pozitsiyalar hajmi 52,2 milliard dollarni tashkil etgan. Kengroq kriptovalyuta bozori ham ijobiy dinamika ko‘rsatib, savdo faolligining pasayishiga qaram umumiy narxlarning biroz o‘sishini qayd etgan.