MrBeast yuzidan 100 million dollarlik da'vo! 🍔

Dunyoga mashhur YouTube yulduzi Jimmi Donaldson (MrBeast) o'z nomi bilan ataluvchi MrBeast Burger loyihasi yuzidan jiddiy sud jarayoniga duch keldi. Shartnoma bo'yicha mahsulot yetkazib berish va ta'minotni zimmasiga olgan Virtual Dining Concepts (VDC) kompaniyasi mashhur blogerga qarshi 100 million dollarlik da'vo arizasi kiritdi.

2020 yilda asos solingan va hayalet oshxona (virtual restoran) konsepsiyasiga tayangan MrBeast Burger bugungi kunda Shimoliy Amerika va Yevropadagi 300 ta nuqtada faoliyat yuritadi. Biroq, oxirgi vaqtlarda xaridorlar tomonidan tayyor burgerlar sifati borasida ko'plab salbiy fikrlar va shikoyatlar kelib tusha boshladi.

Mijozlarning e'tirozlarini inobatga olgan MrBeast o'tgan hafta VDC kompaniyasiga nisbatan sudga da'vo kiritgan edi. Bunga kompaniya tomonidan targ'ibot va reklama ishlari hamda shartnomaviy majburiyatlar lozim darajada bajarilmagani sabab qilib ko'rsatilgandi. Ushbu da'vodan bir hafta o'tib, VDC ham qarshi hujumga o'tdi.

Virtual Dining Concepts kompaniyasi Donaldsonning xatti-harakatlari o'ta katta moliyaviy zararga sabab bo'lganini va brend obro'si tushib ketganini ta'kidladi. Shuningdek, VDC vakillarining iddaosiga ko'ra, Jimmi Donaldson MrBeast Burger brendi qimmatli ekanini yaxshi tushungan va 2022 yilning noyabri hamda 2023 yilning fevral va iyun oylarida yanada qulay shartlar asosida yangi shartnoma tuzishga urinib ko'rgan, biroq bu urinishlar natija bermagan. Da'voda bloger o'z brendini kamsitgani ham aytib o'tildi.