Samsung quloqchinlarida UWB texnologiyasi 🎧

AQSh patent idorasi hujjatlariga ko'ra, Samsung kelgusi Galaxy Buds modellarida Bluetooth o'rniga UWB texnologiyasidan foydalanishni rejalashtirmoqda. Boshlang'ich ulanish Bluetooth orqali bajarilsa-da, asosiy ovoz uzatish UWB yordamida amalga oshiriladi. Bu yangilik Bluetooth'dagi kechikish va past tezlik muammolarini hal qiladi 📱 UWB texnologiyasi 20Mbps gacha tezlik, minimal xalaqit, past kechikish va kam quvvat sarfini ta'minlab, yo'qotishsiz ovoz uzatish imkonini beradi. Biroq buning uchun telefon yoki planshet kabi asosiy qurilmada ham UWB chiplari bo'lishi talab etiladi. Hozirda yetakchi brendlarning flagman telefonlarida bu imkoniyat mavjud. Shu tariqa, yaqin kelajakda simsiz eshitish vositalarida ovoz sifati sezilarli darajada oshadi.