BRIKS valyutasi: zaxira variant 💶

Rossiya moliya vaziri Anton Siluanov BRIKS doirasida yangi to‘lov tizimini barpo etish zaruriyatiga alohida e’tibor qaratdi. Uning ta’kidlashicha, mazkur tashabbus amalda ishlayotgan, biroq vaqti-vaqti bilan nosozliklarga uchrab turadigan moliyaviy vositalarga ishonchli muqobil sifatida xizmat qilishi lozim. Agar an’anaviy tizimlar o‘z faoliyatini to‘xtatsa yoki to‘siqlarga duch kelsa, iqtisodiy barqarorlikni saqlab qolish uchun muqobil mexanizm talab etiladi.

"Vesti" nashrining yozishicha, boshqa davlatlarning ushbu tashabbusga munosabati turlicha shakllangan. Jumladan, ayrim mamlakatlar hozirgi moliyaviy mexanizmlarning holatidan qoniqish hosil qilmoqda. Shunga qaramay, har qanday vaziyatda ham zaxira variantiga ega bo‘lish maqsadga muvofiq hisoblanadi.

Eslatib o‘tamiz, yagona to‘lov tizimini joriy etish masadasi yaqinda Qozon shahrida bo‘lib o‘tgan BRIKS sammitida ham keng muhokama qilingan edi. Mazkur tadbir davomida siyosatchilar va soha ekspertlari tashkilot doirasidagi moliyaviy hamkorlik istiqbollari yuzasidan o‘zaro fikr almashganlar.