Eldor Shomurodovdan intervyu ⚽

Oʻzbekiston milliy terma jamoasi hozirgi vaqtda Birlashgan Arab Amirliklarida navbatdagi xorijiy yigʻinini oʻtkazmoqda. Mazkur yigʻin doirasida OʻFA matbuot xizmati terma jamoa sardori va Italiyaning "Roma" klubi hujumchisi Eldor Shomurodov bilan maxsus qisqa intervyu uyushtirdi.

Suhbat davomida tajribali hujumchi terma jamoa safiga kelish har doim uning uchun katta quvonch ekanini, barcha ishlar koʻngildagidek ketayotganini va mashgʻulotlar juda qiziqarli oʻtayotganini qayd etdi.

Shuningdek, futbolchi Жанубий Судан terma jamoasiga qarshi kechgan bahs haqida ham toʻxtalib oʻtdi. Uning soʻzlariga koʻra, raqamlar va imkoniyatlar jihatidan bu jamoa ancha kuchsiz edi, shu bois mazkur oʻyinda asosiy eʼtibor jamoaning oʻz oʻyinini shakllantirishga qaratildi. Murabbiyning koʻrsatmalarini toʻlaqonli bajarishga intilishgani, shu bilan birga aniqlangan kamchiliklar ustida ishlash uchun yetarli vaqt borligini bildirdi.

Intervyu yakunida Shomurodov terma jamoadagi muhit ajoyib ekanini, bosh murabbiy bilan munosabatlari yaxshiligini alohida taʼkidladi. Murabbiy unga ishontirish bildirayotgani va mashgʻulotlarda koʻp narsalarni oʻrgatayotgani sababli oʻzini xotirjam his qilayotganini, tinimsiz mehnat qilishda davom etsa, bu ishonch yanada ortishiga umid qilishini qoʻshimcha qildi.