Samsung Apple'dan $250 olmoqda 📱

Apple kompaniyasining qiymati 1999 dollardan boshlanishi kutilayotgan iPhone Duo buklanuvchi smartfoni uchun eng muhim va qimmat qismlardan biri Samsung tomonidan yetkazib berilishi ma'lum bo'ldi. Tarqalgan xabarlarga ko'ra, Samsung har bir buklanuvchi ekran paneli uchun Apple'dan taxminan 250 dollar talab qilmoqda. Ushbu summa faqat asosiy ichki buklanuvchi ekranga tegishli bo'lib, yig'ish va sinovdan o'tkazish xarajatlarini o'z ichiga olmaydi.

Insayder Instant Digital ma'lumotlariga ko'ra, Samsung displey bo'linmasi iPhone Duo va kelgusi modellarga ekranlar yetkazib berish bo'yicha uch yillik shartnomaga ega chiqqan. Samsung Apple uchun eksklyuziv yetkazib beruvchi maqomida qolmoqda, chunki boshqa raqobatdosh kompaniyalar zarur hajm va sifat talablarini bajara olmagan. Bu esa janubiy koreyalik ishlab chiqaruvchiga bozorda sezilarli ustunlik taqdim etadi.

An'anaviy flagman ekranlar narxidan sezilarli darajada farq qiluvchi buklanuvchi OLED panellarini tayyorlash murakkab jarayon hisoblanadi. Ular tasvir sifatini yo'qotmagan holda qayta-qayta buklishga bardosh berishi hamda maxsus ilmoq dizayni bilan ishlashi shart. 250 dollarlik narx iPhone Duo qurilmasining umumiy boshlang'ich qiymatining sakkizdan bir qismiga teng keladi.

Uch yillik shartnoma muddati Samsung Apple'ning bir nechta avlod buklanuvchi qurilmalarida ishtirok etishini anglatadi. Tahlilchilar prognozlariga ko'ra, Apple kelgusi yilda buklanuvchi smartfonlar bozorining deyarli to'rtdan bir qismini egallashi va millionlab qurilmalarni yetkazib berishi mumkin.