Xavi "Bavariya"dan uchralgan mag‘lubiyat haqida ⚽

"Barselona" bosh murabbiyi Xavi Myunxenning "Bavariya" klubiga qarshi kechgan o‘yindagi yirik mag‘lubiyatdan so‘ng o‘z fikrlarini bildirib o‘tdi. Uchrashuv kataloniyaliklarning 0:3 hisobidagi mag‘lubiyati bilan yakunlangandi. Mutaxassis o‘yin natijasiga adolatli baho berib, nemis jamoasi ulardan har tomonlama ustun kelganini tan oldi.

O‘yindan keyingi matbuot anjumanida Xavi "Barselona" uchun bugundan e’tiboran yangi bosqich boshlanayotganini ta’kidladi. Uning so‘zlariga ko‘ra, jamoani o‘zining munosib o‘rniga qaytarish uchun juda ko‘p qattiq mehnat qilish talab etiladi.

Klub ustozi "Barselona" kabi buyuk jamoa faqat Chempionlar ligasida bosh sovrin uchun kurashishi kerakligini, musobaqadan chiqib ketib Yevropa ligasiga tushish jamoaning maqsadiga to‘g‘ri kelmasligini qayd etdi. Shunga qaramay, u Yevropa ligasiga tushib qolishni hozirgi achchiq reallik sifatida qabul qilish lozimligini aytdi.

Xavining ta’kidlashicha, ular "Barselona" klubi ekanligi sababli har qanday turnirda va istalgan o‘yinda faqat g‘alaba qozonishi shart. Murabbiy jamoa bu og‘ir raqobatni yengib o‘ta olishiga umid qilganini, afsuski, kutilgan natija amalga oshmaganini tan oldi.