KXDR chorshanba kuni to‘rtta raketani uchirdi 🚀

KXDR chorshanba kuni to‘rtta qanotli raketani uchirib yubordi. Bu haqda Janubiy Koreya mudofaa vaziri Li Chjon Sop parlamentning milliy mudofaa qo‘mitasi yig‘ilishida ma’lum qildi. Uning so‘zlariga ko‘ra, rasmiylar to‘rtta raketa uchirilganini taxmin qilmoqda va dastlabki tahlillar o‘tkazilgan. Hozirda Janubiy Koreya va Qo‘shma Shtatlar mazkur vaziyatni yanada batafsil o‘rganishmoqda.

Bundan oldin Janubiy Koreya Qurolli kuchlari Birlashgan shtab boshliqlari qo‘mitasi mamlakat qirg‘oq bo‘yidagi Hamxın shahri yaqinida bir nechta raketa uchirilganini aniqlagani haqida xabar bergan edi. Ushbu qurol sinovi AQSh va Janubiy Koreya o‘tgan haftada harbiy mashg‘ulotlarni boshlaganidan beri Pхenyan tomonidan amalga oshirilgan to‘rtinchi holat ekanligi ma’lum qilindi.

Avvalroq KXDR 13-martda boshlangan AQSh va Janubiy Koreyaning "Freedom Shield" qo‘shma harbiy mashg‘ulotlariga javoban amaliy harbiy tiyib turish choralarini ko‘rishidan ogohlantirgandi. Shuningdek, so‘nggi haftalarda Shimoliy Koreya tomonidan bir qator boshqa raketa sinovlari va taktik yadroviy kontratakani simulyatsiya qiluvchi mashg‘ulotlar ham o‘tkazilgani qayd etilgandi.