GTA 6 treyeri davomiyligi oshkor bo'ldi 🎮

Grand Theft Auto 6 o'yinining ilk rasmiy treyleri namoyish etilishiga 24 soatdan kamroq vaqt qoldi. Shu paytgacha turli xil ma'lumotlar tarqalib ulgurgan bo'lsa-da, taqdimot oldidan yana bir yangi tafsilot oshkor bo'ldi. Bu safar internetda treylerning aniq davomiyligi haqidagi ma'lumot sizdirildi.

Garchi bu ma'lumotning o'zi ko'p narsani anglatmasa ham, ayrimlar uchun o'yin tarkibidagi kontent hajmini taxmin qilishda muhim ko'rsatkich bo'lishi mumkin. Ayniqsa, treyler e'lon qilingan plakatga ko'ra, kelgusida yana boshqa videolar ham chiqishi kutilayotganini inobatga olsak, bu yanada qiziqroq ko'rinadi.

Tarqalgan ma'lumotlarga ko'ra, video bir daqiqayu o'ttiz bir soniya davom etadi. O'n yildan ortiq vaqt davomida ushbu lahzani kutgan ko'pchilik muxlislar uchun bu vaqt juda qisqa bo'lib tuyulishi tabiiy. Biroq, keyingi treyler kelasi yilgacha chiqmasligini nazarda tutsak, bu navbatdagi videongacha e'tiborni ushlab turish uchun yetarlicha uzun muddat hisoblanadi.

Tabiiyki, mazkur yangilik tarmoqlarda turli hazil va memlarning ko'payishiga sabab bo'ldi. Muxlislar uzoq kutilgan voqeani ijtimoiy tarmoqlarda faol muhokama qilishmoqda.