Apple buklanuvchi telefonlar oilasini yaratishi mumkin 📱

Apple kompaniyasi yaqin yillarda bitta emas, balki bir nechta buklanuvchi telefonlar oilasini taqdim etishi mumkinligi haqida ma'lumotlar paydo bo'ldi. Bloomberg nashrining taniqli tahlilchisi Mark Gurmanning fikricha, texnologiya giganti kelgusida asosiy buklanuvchi modeldan tashqari boshqa variantlarni ham sotuvga chiqaradi. Uning ta'kidlashicha, uch harfli iPhone Duo nomi Air va Pro kabi brendlarga o'xshab, kelgusida Max yoki Mini kabi qo'shimchalarni qo'shish uchun ataylab tanlangan bo'lishi mumkin.

Muxbir o'zining "Power On" nomli axborotnomasida kelgusi o'n yillikda buklanuvchi qurilmalar bozorda asosiy o'rin egallashini bashorat qilgan. Uning so'zlariga ko'ra, yaqinda e'lon qilingan iPhone Duo kelasi yiyoqdayoq bozorda yetakchi o'rinni egallashi kutilmoqda. Shu bilan birga, kompaniya taqdim etgan ushbu yangi buklanuvchi telefon raqobatchilardan, jumladan, 2019-yilda chiqarilgan Samsung Galaxy Fold modelidan bir necha yil ortda qolmoqda.

Biroq, bunday bashoratlarning asosiy muammosi iste'molchilar talabiga bog'liqligidir. Bozor talabini oldindan aniqlash doim ham oson emas. Misol uchun, Apple avvalroq arzonroq Vision Pro garniturasini yaratish ustida ishlagani aytilgan bo'lsa-da, oxir-oqibat aqlli ko'zoynaklarga e'tibor qaratildi. Tahlilchi Gen Mansterning ta'kidlashicha, Apple qandaydir mahsulot ustida ishlayotganining o'zigina uning bozorda paydo bo'lishini kafolatlamaydi.

Shunga qaramay, 16-oktabrdan boshlab oldindan buyurtma qilinadigan va 23-oktabrda sotuvga chiqarilishi rejalashtirilgan iPhone Duo muvaffaqiyatli chiqishi kutilmoqda. Dastlabki narxi 2000 dollardan boshlanadigan bu qurilma odatiy flagman telefonlardan ikki barobar qimmatroq turadi va yaqin vaqt ichida an'anaviy smartfonlarning o'rnini egallashi dargumon.