Intel protsessorlar narxini yana oshiradi 📈

Texnologiya olamidan kelgan soʻnggi xabarlarga koʻra, Intel kompaniyasi oktabr oyida shaxsiy kompyuterlar uchun moʻljallangan protsessorlar narxini yana 10 foizga oshirishni rejalashtirmoqda. DIGITIMES nashrining xabar berishicha, bu oʻtgan yil davomida bosqichma-bosqich amalga oshirilgan qimmatlashuv jarayonlarining davomi hisoblanadi. Hozircha bu narx oshishi faqat stol usti kompyuterlariga taalluqli boʻladimi yoki mobil protsessorlarni ham qamrab oladimi, bu haqda aniq maʼlumot berilmagan.

Sanoatdagi manbalarning taʼkidlashicha, ushbu choralardan koʻzlangan asosiy maqsad bozor ulushini kengaytirish emas, balki yalpi foyda marjasini yaxshilashdan iborat. Bu global kompyuter yetkazib berish hajmi 2027-yilda 260 million donadan 250 million donagacha biroz qisqarishi kutilayotgan bir paytda muhim ahamiyat kasb etadi. Agar Intel oʻz protsessorlari yetkazib berish hajmini yana 200 million dona atrofiga chiqar olsa, uning bozor ulushi taxminan 78 foizgacha tiklanishi taxmin qilinmoqda.

Shuningdek, hisobotda Intel foydasi past boʻlgan Small Core mahsulot liniyasini butunlay yopish masalasini koʻrib chiqayotgani daʼvo qilingan. Bu holat Qualcomm va MediaTek kompaniyalariga hozirda Intel yetakchilik qilayotgan sanoat kompyuterlari va IoT chiplari bozorida yanada kengroq oʻrin egohlash uchun imkon ochishi mumkin. Xodimlar masalasiga kelsak, iyul oyida Maʼlumotlar markazi va sunʼiy intellekt guruhini qisqarganidan keyin, yana 5-10 foiz ishchi kuchi qisqartirilishi ehtimoli bor. Hozirda xodimlar soni 75 ming atrofida baholanmoqda, biroq manbalarning aytishicha, Intel qisqartirishlar bilan birga ishga qabul qilishni ham davom ettirishni rejalashtirgan.

DIGITIMES nashri serverlar yoʻnalishidagi alohida muammoga ham eʼtibor qaratgan. Unga koʻra, Intel TSMC kompaniyasiga topshiriladigan chiplarga nisbatan yuqori marja beruvchi server protsessorlarini oʻzining zavodlarida ishlab chiqarishga ustuvorlik bermoqda. Bu esa shaxsiy kompyuter protsessorlari uchun quvvatning qisqarishiga olib kelmoqda. Serverlar ishlab chiqarishni tezroq oʻstirish TSMCga koʻproq hajm yuborishni talab qilishi mumkin, bu esa 18A jarayoni natijalari va 14A rivojlanish bosqichiga boʻlgan qiziqishni yanada oshiradi.