Bayden tokeni 99%ga tushib ketdi! 📉

Ushbu haftadagi tahliliy materiallar qatorida Yaqin Sharq va Shimoliy Afrika mintaqasida raqamli valyutalarning ommaviy qabul qilinishi, kriptobozorning infratuzilmaviy zaif tomonlari, LAPTOP tokeni atrofidagi firibgarliklar hamda tokenlashtirilgan aktivlar bozorining yuksalishi muhokama markazida bo'ldi.

Makroiqtisodiy bosimlar tufayli Yaqin Sharq va Shimoliy Afrika mintaqasida kriptovalyutalar tezkorlik bilan ommalashmoqda. Milliy valyutasi qadrsizlanayotgan Turkiya va Eron kabi mamlakatlarda aholi fiat pulining qadrsizlanishi hamda moliyaviy izolyatsiyadan saqlanish uchun raqamli aktivlarga murojaat qilmoqda. Shu bilan birga, aniq tartibga solinuvchi Birlashgan Arab Amirliklarida raqamli valyutalar kundalik xaridlar va hisob-kitoblar uchun odatiy vositaga aylangani kuzatilmoqda.

Kiberxavfsizlik sohasidagi uchta so'nggi hodisa hujumchilar to'g'ridan-to'g'ri emas, balki yon atrofdagi eng zaif bo'g'in orqali harakat qilishini ko'rsatdi. Jumladan, Liquid Network tarmog'idagi yirik o'g'irlik dasturchilar qo'shgan kesh-mexanizm orqali sodir bo'lgan. Trezor mijozlariga qilingan fishing hujumi esa barcha tekshiruvlardan o'ta oladigan uchinchi tomon pochta provayderi vositasida amalga oshirilgan. Bundan tashqari, USDT emissiyasining yarmiga javob beruvchi xavf asosiy protokolda emas, balki ma'muriy multisigda aniqlangan.

PolitiFi sektori siyosiy mojarolarni pulga aylantirish vositasiga aylangani LAPTOP tokenining latsun qilinishida yaqqol ko'rindi. Mazkur tanga 80 foiz chakana treiderlarning pul yo'qotishiga olib keldi. Markazlashgan birjalar xavflarga ko'z yumib, savdo hajmi va komissiyalar ortidan quvgan holda, bozordagi kitlar va marketmeykerlar o'z tokenlarini stakanga sotaëtgan paytda chakana investorlarni ushbu manipulyativ vositaga jalb qiluvchi voronka vazifasini o'tadi.

Tokenizatsiya jarayoni shunchaki blokcheynda aktiv chiqarishdan iborat bo'lmay qoldi. Singapurda SWIFT va Hindistonda Demat 2.0 korporativ obligatsiyalari sinovlari fonida moliyaviy aktivning o'zi tokenga aylanayotgani, hisob-kitob pullari raqamli shakl (CBDC) olayotgani ko'zga tashlanmoqda. Bu esa bank ish soatlaridan qat'iy nazar, likvidlikni chegaralar aro tezkor, dasturlashtiriladigan va 24/7 rejimida harakatlantirish imkonini beradi.