💻 Intel Core Ultra 5 238V yuzaga chiqdi

Intel kompaniyasining yaqinlashib kelayotgan Intel Core Ultra 200 protsessorlari qatorida ultra past quvvatli qurilmalar uchun mo'ljallangan maxsus Lunar Lake liniyasi taqdim etilishi kutilmoqda. Ushbu yangi avlod chiplarining asosiy o'ziga xos xususiyatlaridan biri shundaki, ularning tezkor xotirasi bevosita protsessor korpusiga o'rnatilgan holda keladi va xaridorlarga 16 yoki 32 GB hajm variantlari taklif qilinadi.

Yaqinda tarqalgan ma'lumotlarga ko'ra, Intel Core Ultra 5 238V deb nomlangan yangi model 32 GB sig'imli integratsiyalangan operativ xotira bilan ta'minlanadi. Ushbu protsessor tuzilishi jihatidan avvalroq ma'lum bo'lgan Intel Core Ultra 5 234V modeliga o'xshash bo'lsa-da, asosiy farqi aynan xotira hajmida namoyon bo'ladi – 238V modeli 32 GB xotiraga ega bo'lsa, 234V versiyasi 16 GB xotira bilan cheklangan.

Xotiraning bevosita SoC ichiga joylashtirilishi qurilma platasida talab qilinadigan bo'sh joyni sezilarli darajada qisqartiradi. Natijada ishlab chiqaruvchilar anakrat hajmini kichraytirib, yanada ixcham va yupqa noutbuk hamda boshqa texnologik qurilmalarni loyihalash imkoniyatiga ega bo'ladilar.

Avvalroq oshkor bo'lgan ma'lumotlarga ko'ra, Lunar Lake protsessorlari 4 ta samarali va 4 ta tejamkor yadrodan iborat jami 8 yadroli konfiguratsiyaga ega bo'ladi. Shuningdek, ular yangi avlod Intel Xe2 grafik yadrolari bilan jihozlanadi. Battlemage arxitekturasiga asoslangan ushbu grafikalar hatto Alchemist asosidagi ba'zi kuchliroq variantlardan ham yuqori unumdorlik ko'rsatishi kutilmoqda.

Rejalashtirilgan versiyalarning ayrimlari 7 ta Xe2 yadrosini o'z ichiga olsa, boshqa kuchliroq modellar 8 ta Xe2 yadrosi bilan chiqarilishi kutilmoqda. Ushbu yangi protsessorlar seriyasi haqidagi to'liq tafsilotlar ularning rasmiy taqdimot sanasi yaqinlashgani sari oydinlashib boradi.