Gidrogel "Pong" o'yinini o'rgandi! 🕹️

Ilmiy tadqiqotchilar oddiy, jonli bo'lmagan gidrogel materiallari ham mashhur Pong videoo'yinini o'rganishga qodir ekanligini aniqladilar. Ushbu kashfiyot bunday materiallarga nisbatan murakkab xatti-harakatlarni singdirish mumkinligini ko'rsatib berdi.

Tadqiqot Angliyadagi Reding universiteti biotibbiyot muhandisi Yoshikatsu Hayashi boshchiligidagi guruh tomonidan amalga oshirildi va ularning ilmiy ismi Cell Reports Physical Science jurnalida e'lon qilindi. O'yinning sodda qoidalari va grafikasi uni shunday tajribalar uchun mukammal sinov maydonchasiga aylantiradi. Sinov davomida gidrogellar elektrodlar yordamida simulyatsiya qilingan o'yin muhitiga ulanib, to'pning harakati va raketka pozitsiyasini kuzatib borgan.

O'yin jarayonida gidrogellar vaqt o'tishi bilan to'pni qaytarishda aniqroq harakatlana boshlagani ma'lum bo'ldi. Aniqlik bosqichma-bosqich oshib bordi va taxminan 20 daqiqadan so'ng materiallar o'zlarining eng yuqori samaradorlik darajasiga yetdi. Bunga sabab material ichidagi ionlar harakati ma'lum bir xotira vazifasini bajarib, o'tmishdagi harakatlarni saqlab qolgani va kelgusi xatti-harakatga ta'sir ko'rsatgani bo'ldi.

Gidrogellar suvda shishib, biroq erib ketmaydigan egiluvchan materiallar sirasiga kiradi. Ular yumshoq kontakt linzalari, tibbiy elektrodlar va yumshoq robototexnika aktuatorlari kabi sohalarda keng qo'llaniladi. Biroq songgi tadqiqotlar shuni ko'rsatdiki, ular elektr stimulyatsiyasi naqshlaridan xotiralarni saqlab qolish va o'tgan tajribalardan saboq chiqarish qobiliyatiga ham ega.

Mazkur ilmiy izlanishlar kelgusida amaliy foyda keltirishi, jumladan, tibbiyotda muayyan tajribalarda tirik hujayralar o'rnini bosuvchi vosita sifatida xizmat qilishi mumkin. Hayashi va uning jamoasi tadqiqotni davom ettirib, ushbu materiallarning yanada murakkab vazifalarni bajarish hamda o'rganish imkoniyatlarini o'rganishni rejalashtirmoqda.